毛家(HKAFF2024)

致敬「毛守」所有人，佢地係平凡人英雄🫡諷刺嘅係，就係世上存在咁多萬惡嘅人類，先顯得「毛守」所有義工嘅偉大。人類就係咁矛盾嘅存在，個邊有人棄狗，另一邊廂竟然有班人爆屎渠都唔厭污糟去執屎（係毛守係套戲咁形容自己）身為人類共同體，睇完套戲最大得著係唔求每個人好似毛守咁偉大，但要忠於自己，對得住個良心就可以了！請大家唔好棄養！Thx！紀錄片從來都係吃力不討好嘅嘢，閑閑地都拍幾年，仲要係個大海入面剪2個鐘精華出黎。《毛家》係一套非常好睇嘅紀錄片，暫時係我心中港產紀錄片排名最佳。節奏掌握得好好，成個流程引人入勝；感人、煽情、失望、開心全部齊哂，由其煽情個part，配合埋音樂真係哭成狗😭；最後仲有Marvel式「打大佬」環節，真係睇到好緊張刺激，未睇過一套紀錄片可以有咁嘅「決戰」場面！每個愛護動物嘅人都應該入場，唔愛護更加要入場，起馬做到唔好加害動物啦！祝天下間所有毛孩都可以「毛家可歸」！

紀錄片形式直擊毛守義工由救狗到醫狗、出暫托、出領養用影像話畀大家知香港動保問題，唔需要咩詳細嘅訪問對答絕對值得支持