炸雞特攻隊

韓國電影題材越黎越多元化，有大製作又可以煽情，又有呢類輕鬆好玩既喜劇，橋好簡單，扮賣炸雞捉大賊，將韓國其中一個美食融入老生常譚的橋段，當中的笑料係幾有趣，故事並不拍得緊湊，有時更有D拖拉感覺，幸好多得演員各有千秋，尤其演廚師的馬仔，樣子已夠詼諧，再加上笑料及支體語言，笑料多由佢出發，整體可笑但不爛，係呢套戲的成功。結尾<<當年情>>一起歌都係毛管棟，係向<<英雄本色>>致敬吧。

密集式笑料，五位警員平時錯漏百出，關鍵時候卻表現神勇，有d似以前星爺d戲，後來搵資料見到呢套戲係向香港80~90年代電影致敬，唔怪得會有果首插曲！XD4.5/5 (89分)

呢套韓片笑料有啲戲劇性誇張，但不失有新意，成個炸雞特攻隊，一女四男，大嬸大叔，唔係咩俊男索女，但原來個個打得抽得，隊長仲係有如打不死喪屍，結局梗係個個冇穿冇爛，吐氣揚眉。小弟唔係哈韓，冇乜用韓國嘢，但都覺得套戲娛樂性豐富，不妨一看。

【是睇之前的優先場】個人覺得套戲是超預期中好笑，好笑的是整個故事中人物和故事設定。五個蠢警察誤打誤撞炸出一條炸雞路，從而可以破到毒品案，或者我講你們未必感受到有幾好笑，但導演處理上的確令觀眾笑到不停。他利用這五個角色的特色來描寫和處理笑位，在突顯角色和故事推進上取得平衡。而這套有隱喻韓國警察的問題，但他以一種幽默好笑手法來處理，令整件事變得容易入口。其中最好笑是估不到他在尾段以我們當年其中一套經典英雄片的場面作笑位，這場是全場最爆笑的一幕。痴·影·夢·藝 X 的專頁 https://www.facebook.com/ckwunmovie/

好好笑，五個刑警各有各精彩，打得又正，值得去看。

由一個幾特別的突破式警匪故事開始，做到節奏暢順，輕鬆緊張平衡均勻，各演員做出角色靈魂，最後一出當年情更是畫龍點睛，確實是極高水準的一套電影！