誘人飯聚

以風趣有味方式剖析現代人婚姻問題。結婚前雙方的快樂建立在對方，結婚後的不快樂責罵在對方，如此關係下，如何有何性衝動？電影可以分為两部分，上半部是換妻性派對話題，而下半部則揭露婚姻危機。性生活在怨氣下成不了。全場以talk show表演，當然少不了俚語，也是本片輕鬆之點，雖然两夫妻已成無性夫妻，但畢竟曾過去美妙時光和共同培育成長的子女。不滿思緒流於刻薄說話，talk show大表演。喜歡talk show形式的，可以一看。

3.8⭐一套話劇風表達嘅電影。此類手法電影並非新鮮，早前有套"鯨”, 香港2024年亦有一套由柏天男同關智斌主嘅"錄影歹”，都係類似表達手法嘅電影。本作兩男兩女主角99.9%都係處於一個單位內，以密集式對白互相針鋒相對, 歩步進迫，從而將人物關係/內心世界一層一層揭開。電影雖然冇裸露/色情鏡頭, 但涉及成人情節，所以有啲咸趣唔會好悶。不過略嫌音樂家男主角演譯有啲過火, 大部份時間都係大吵大鬧式講對白，有啲煩厭。整體電影結構緊密，對夫妻/兩性關係有幾深入嘅描寫，可以一看。

值得一讚嘅係全套戲只得一個場景，兩對couple共4個角色，好簡潔，靠嘅係對白同演技！對白唔少都串串地，幾抵死，都好貼地！另一加分位係配樂，好夾到演員面部表情/內心戲！好特別嘅一套電影，劇本的確有趣！

一開頭只睇預告完全唔知套戲講咩，睇完就知原來係講婚姻。全劇幾乎只有一個場景，類舞台劇式單一場景拍攝手法，情況類似《鯨》、《飯氣攻心》、《這裡是吾、《解憂計情車》。場景無乜花臣搞（場景其實都有小小彩蛋），就用緊湊嘅對白寫個精彩劇本。「家和萬事興，家衰口不停」電影完美演繹點樣家衰口不停，前段不停鬧交推進劇情，鬧交中都有事發生緊，中間又會滲透啲男女主角嘅人設，我會話呢啲對白非常精彩，媲美我認為對白你來我往最精彩天花板級嘅《墜下的對證》；中段開始黎個畫風一轉變左情慾電影（其實中間都有慢慢鋪路；後段又再轉畫風黎個認真討論「婚姻」到底係乜野？我年紀尚輕就未明婚姻係咩，但呢套電影寫得入肉，正常人就算無結過婚應該都會代入到，當然如果你係結婚多年嘅老夫老妻更加會有共鳴啦！而同「家衰」男女主角對比嘅「家和」夫妻組，感情路都無話一帆風順，雖然強硬加插一段佢地都會鬧交嘅場面有啲突兀。但作為開導男女主角嘅關鍵角色（其實套戲都係得4個角色）呢4位角色人設都十分精彩。反正呢套戲無華麗嘅場景，只有小本製作但同樣精彩！

簡單直接只有4個主角，一個場景，完美演繹到劇本同文字既表達。明顯表達出各人自身既性格缺陷，好好膠，時人一點都沒浪費

#誘人飯聚 #TheInvite大家好，我係 Wild Wildy！今日同大家聊聊這部話題度極高嘅婚姻喜劇電影——《誘人飯聚》（The Invite）。【電影簡介與基本資料】電影名稱：《誘人飯聚》（The Invite）導演：Olivia Wilde（奧莉薇亞·懷爾德）導演著名前作：《高材生》（Booksmart）、《別擔心親愛的》（Don't Worry Darling）編劇：Will McCormack、Rashida Jones 與 Cesc Gay（改編自西班牙電影《The People Upstairs》）主演陣容：Seth Rogen（施夫·洛根）（44歲）飾演 JoeOlivia Wilde（奧莉薇亞·懷爾德）（42歲）飾演 Angela —— Olivia 這次自導自演！講起佢，佢19歲嗰陣同意大利導演兼音樂家 Tao Ruspoli 喺學校巴士私奔結婚，2011年離婚；之後同 Jason Sudeikis 訂婚多年並育有兩個小朋友，但最終冇結婚，人生閱歷相當豐富。西班牙靚女Penélope Cruz（佩妮洛普·古絲）（52歲）飾演 PiñaEdward Norton（愛德華·諾頓）（56歲）飾演 Hawk影評網站評分：IMDb：7.8 / 10Rotten Tomatoes：97%（爛番茄新鮮度）/ 89%（觀眾爆米花指數）Wildy 個人給分：8 - 8.5 / 10 分四個人、一間屋嘅小本製作，講真，完全係考驗劇本、演員同導演對節奏同角度嘅拿捏。而呢套戲，呢三樣嘢都功不可抹！只要你已經結婚過咗蜜運期，又願意誠實面對自己——無論係婚姻裡嘅難處定試探，呢套電影都一定會中爆你。讚：【點解呢餐「鴻門宴」會食到咁過癮？】一局鴻門宴，撕開婚姻最真實嘅血淋淋面具電影用一場鄰居聚會嘅飯局，將一般夫妻結婚多年後要面對嘅壓力、沮喪、失望、甚至埋怨同仇恨，一口氣喺間屋內實時爆發出來。戲裡面首尾呼應嘅符號運用得極之一流——蜜運初時一琴四手一齊彈鋼琴嘅甜蜜，對比到後期大家再唔去碰鋼琴，呢個象徵符號將感情嘅冷卻形象化得非常深刻。爆發點層層遞進，極具說服力戲裡面每一個爭拗嘅爆發點，劇情急轉直下，但於我而言都非常合理。舊患被重提、忘了查考訊息、忘了跟指示買嘢……這些日常小事，配埋女人煮餐飯辛苦非常 （若太太主理饍食），或男人嘅中年危機（無論係身體機能定係工作成就嘅衰退），再加上兩性對於自己「仲有冇吸引力」嘅自我懷疑，令故事同角色的對立面更有層次、更激烈。四位主角嘅化學作用十足，仲帶出 n 個意想不到嘅反轉，如果你欣賞呢類劇本導向嘅題材，過程絕對睇得好爽。彈：【美中不足嘅地方：劇本嘅公式感與後半轉折】選角與角色定位嘅爭議有人不滿意選角，覺得年齡層偏大；當然有人討心為年齡其實只係數字，重點係你點樣定位呢四個角色。我覺得四位影星嘅氣場完全鎮得住場面。亦拍五十路的後生了Olivia Wilde 42歲 Olivia. Penélope Cruz 52Seth Rogen 44Edward Norton 56後半段情緒爆發取替咗笑料電影有好多 emotional 嘅情緒爆發點，我個人覺得好合理，完全唔會流於 TVB 式嘅無腦狗血。不過確實有部分觀眾反映後半段笑料減少咗，變成了純粹嘅情緒爆發，顯得稍微乏味。呢點同樣睇你入場係想睇純喜劇定係深刻嘅關係探討。角色設定略顯公式化角色嘅對立設計得非常刻意：有戰力與耐力驚人嘅消防員、性輔導員、慾求不滿嘅妻子、廢柴丈夫……這種設定多少帶有某種劇本公式感（雖然為咗帶出戲劇張力，呢種設定亦係必需嘅）。【劇透附錄：性、婚姻與關係嘅深度延伸】睇完呢套戲，有幾個關於兩性關係嘅深刻問題好值得大家反思：性、性慾與色情：三者絕對不能混為一談。性係功能，性慾係生理與心理需求，而色情則係幻想嘅投射，戲裡面四個人嘅對話將呢三者嘅界線撕開得好赤裸。太保守同太開放都未必看清真相。性能「產生」生命，理當敬畏vs拜性器官就是錯誤定位與認知動植物界 vs 人類嘅兩性關係：哺乳類動物甚至自然界嘅交配行為，同人類夾雜咗社會道德、情緒與承諾嘅關係完全係兩回事。婚姻關係嘅終極型態？：婚姻一定要係一男一女嗎？多妻主義？多夫主義？定係開放式關係（Open Relationship）？只要雙方唔介意，係咪就可以行得通？呢幾個深層話題，我就先留喺度，大家可以在下面留言討論，或者等我喺 YouTube 下集同大家詳細拆解！