觸電

3.8⭐睇 trailer 真係不敢恭維，卡士弱、題材同概念"Leung"、令我唸起早前果套"斷網”。喺冇期望之下入場，結果有驚喜。無疑以電競為題材同埋以真人摸擬打機戰鬥場面係幾"Leung"，但出乎意料之外，導演處理呢個普通過普通嘅故事上清脆俐落，冇拖泥帶水，又搵嚟生鬼嘅林敏聰同羅莽，成為電影嘅亮點，令電影變得有趣。劇本編寫亦不俗，對白生鬼，不落俗套，唔會睇得尷尬。另一驚喜係製作。睇 trailer 以為係 lousy 嘅低成本製作，點知攝影、剪接、音效都幾出色，動作場面設計不俗，而演出遊戲角色嘅演員造型同服飾一啲都唔廉價，演出灑帥動作場面入型入格。CG特效亦做得幾好，令戰鬥場面更精彩、更具迫力。演員方面，口賤嘅林敏聰同可愛嘅羅莽絕對係本片嘅MVP。木口木面嘅男主角柯煒林外型不俗，亦配合到角色設定。陳穎欣演嬌嬌女亦稱職。其他所有演員都演出到位，尤其演出遊戲角色班演員。整體電影大大超出預期，簡單又普通嘅故事都能拍出水準同趣味，可以一看同值得支持嘅港產片。PS.• 證明電影唔一定要大製作，只要編、導、演落足心機，仍然可以拍出見得人嘅作品• 認為動作場面好睇過大製作韓片"全知讀者視覺" 同城城果套"斷網"• 唔該改善吓張電影宣傳海報，好有廉價感，好"Leung"

依附虛擬世界生存的電競產業，方興未艾。而曾經成行成市的網吧，則淪落至慘澹經營，望天打卦。如此難以逆料，無法捉摸的榮枯周期，較之舊酒新瓶的勵志故事，顯得更為真實，更充滿戲劇矛盾。當然，以競技對抗作為電影主軸，也不是不可以的。只不過，《觸電》對電競行業如何運作；職業選手為何在廿多歲普遍退役；長年累月操控鼠標和鍵盤，造成指掌傷患勞損，又需要怎樣治療和復健。凡此種種，片中沒有做過任何介紹。有看過《F1電影》的觀眾會記得，畢彼特早上起床後，首先操練頸肌。比賽結束後，則泡冰桶緩解肌肉痠痛和發炎。這短短兩三分鐘的過場，卻是勵志電影常備的基本伴碟菜，沿用數十年，效果良好。《觸電》片中，拉離成軍的Happy Hour四位成員，邦少（柯煒林飾）、霏霏（陳穎欣飾）、口水佬（林敏聰飾）、八爺（羅莽飾），以及他們對應在電競中使用的四個角色：Solo（陳毅燊飾）、狙擊手（蘇皓兒飾）、Boss（盧慧敏飾）、金臂銅（羅浩銘飾）。他們的必殺技究竟是什麼？隊員之間又該如何配合？如何互補長短？電影沒有太多著墨，感覺這支雜牌軍連一盤散沙也不如。到了終極決戰，對家ER Killers有幾「把炮」？大佬Viva（陳苡臻飾）何以視邦少為對手？又為何執着要與邦少互別苗頭？電影前段沒有作過任何鋪墊，令到兩陣對圓的時候，欠缺了雄關如鐵、殘陽如血的壓迫感。林敏聰近十年間，兩度演出競技勵志電影，前作《全力扣殺》與新片相比，只能說是難分軒輊，半斤八兩。《觸電》最令老觀眾眼前一亮的一幕，是羅浩銘復刻羅莽在《金臂童》內的造型。那齣由張徹執導，距今近半世紀的武打電影，幫助羅莽在歐美市場打響知名度。2007年，羅莽榮獲美國 Phillywood Entertainment 第一屆「國際武術影業終身成就獎」，《金臂童》功不可沒。歷年感想，存檔IG及FB：pm7290movie（https://www.facebook.com/Pm7290movie-105185654399988/）歡迎瀏覽。

《觸電》電競題材唔算新，但此片武打、特效使用得宜，相對簡單嘅劇情將重心多返響遊戲過程，成果頗令人喜出望外。以往港產片講打機、網絡嘅戲，通病都係衰響特效，此本導演好在唔勉強去搞3D動畫，遊戲角色改用靚仔靚女真人演繹，我幾喜歡嘅演員Amy Lo, Chloe So, Ansonbean 及身兼武指嘅羅浩銘，都各有發揮，親身落場打鬥，後兩者身手好好，武打場面刺激緊張。視覺特效在預算不多嘅港片來講屬高水準，實體武器道具亦製作用心。本片特效指導梁仲文，前作《關公大戰外星人》《香港大師》《神骸軀形》皆為特效佳作，目前正在替試當真製作真人版《小朋友齊打交》頗令人期待。以往林敏聰最令人擔心係太多爆肚同愛捉弄對手，雖然搞笑但主線常被打亂。幸本片導演控制得宜，今次睇到林大幅收斂，同其他演員似乎相處得幾好，同Yanny陳顈欣做父女演得幾自然、幾有火花. Yanny演少女仍然可愛吸引，難得。另外值得一提吳𦘦軒唔搞笑做正劇真心好睇，戲份唔多但表現比主角柯煒林仲亮眼少少。希望多啲正劇揾佢演。遊戲內動作及特效水準不錯，遊戲外温情、搞笑，一張一馳配合得幾好。無乜負擔、輕鬆惹笑嘅戲，不妨入場支持下。

好睇嘅輕鬆小品，動作場面靚，模仿打機嘅場面唔膠

原本無咩期望 老婆話想支持個男主角 所以陪佢 原來動作部份都幾好 又有d笑位 同埋大部份角色都做得唔錯 係個故事簡單d 都值得睇嘅港產片

主題清晰 故事結構簡單少少溫馨嘅輕鬆港產片值得入場支持