功夫熊貓4

呢集嘅作用係提醒我去重溫頭一、二集。第三集本人就麻麻。講傳承，講要做好事，道理深刻，但沒有驚喜。壞人唔夠勁，新角色唔得意，剩係食老本，有啲為拍而拍。我估應該係最後一集。又唔係咁差，小朋友都笑得好開心。原來上集已經八年前，起碼可以同而家啲小朋友介紹咗套經典，都係一種傳承嚟嘅......我呢啲，都係睇多次「填詞L」好過。

整體而言，故事無之前3集咁吸引人。

畫功技藝不俗，場景視覺亮目。故事情節風趣，適宜大人小孩觀賞。值得去看。

劇情整體來講正常發揮，打鬥特效，驚險場面，笑位等等都唔錯，小朋友睇應該無咩問題，大人睇嘅話其實都會有點得著，例如“做正確嘅事永遠唔會遲”，將“生存三法則”還返比對手等等，功夫熊貓害怕改變，我地何嘗唔係？4.4/5 （87分）

我最喜歡嘅夢工場動畫片，四集都和太太入戲院睇英文版，聽著她和小朋友天真爽朗嘅笑聲，簡直係雙重享受！可惜今集冇咗五俠，聽唔到Lucy Liu、Seth Rogan、Angelina Jolle⋯⋯把聲（成龍把聲聽唔到就冇所謂），可能貴得滯，或者唔得閒卦？不過多咗Awkwafina同關繼威都唔錯啦！電影仍然熱鬧、輕鬆、天真爛漫、有趣好笑、色彩繽紛、想像力豐富、打鬥場面出色、主題健康、正向及有教育意義。但我擔心這個系列會去到最後一集了，因為：1. 師傅要阿保搵龍戰士嘅繼任人，阿保會升做Peace Valley嘅精神領袖，傳承前人智慧（但阿保都冇智慧，點傳俾人呢？）2. 今次強敵從陰間召喚阿保以前所有強敵回到陽間，然後吸走佢哋嘅絕招對付阿保，換言之，所有之前三集嘅對手全部再登場，再冇新對手、冇新招式、冇繼續創新嘅空間、甚至安排阿保打阿保（自己打自己 Kick my own ass)⋯⋯炒冷飯通常代表再冇新意，係故事或一個系列走向尾聲嘅徵兆！So Sad！！！3. 最後睇吓演員陣容，五俠唔甫頭，Jack Black、Dustin Hoffman同James Hong（鵝爸）都年紀唔細喇，唔通仲成世同你配音氹小朋友開心咩？雖然安排Awkwafina做Po嘅接班人，但第五集唔可以叫Kung Fu Panda，可能要改名做Kung Fu Fox喎，咁邊仲有Kung Fu Panda呢？名不正則言不順，或者就不如用今集閉幕，永遠都係經典！（其實四集之中，我最鍾意第二集，尤其結尾阿保放下仇恨，inner peace，用太極手化解所有砲彈，變成天上熣燦如繁星嘅花火，避免干戈，帶來和平，普天同慶）

嚟到第四集，無論內容上同技術上已感覺唔到任何新意，整體四平八穩，不過不失，fan屎大可繼續支持，非fans可考慮其他選擇。