Drifting

好多人攞呢套戲同『麥路人』比,其實真係冇得比,蚊脾同牛脾。如果真係要比,不如同30年前套『籠民』比。嗰時窮人都仲有瓦遮頭,瞓碌架床。而家劏房都要幾千銀,冇錢就要瞓街,啲嘢就畀人掉埋。套戲係講就算人再窮,點都要有返自己嘅尊嚴。大眼輝嗰句『香港把撚呀』講得真係好,一個冇公平、冇公義、冇公道嘅香港真係把撚。戲內個個角色污糟邋遢,粗口爛舌,明知劇本美化左啲露宿者,佢地有偷又有搶,但我信仗義每多屠狗輩。佢地嘅感情同交往,有時比一啲道貌岸然、高高在上嘅上流社會嚟得真摯和真誠得多。打齋嗰場仲令我諗起Nomadland添。吳鎮宇嘅演技,已經唔可以淨係用影帝嚟形容。睇佢扮露宿者,以為佢真係試過瞓街同吸毒。朱柏康做得搞笑自然;謝君豪都演出水準。兩個新人蔡思韵同柯煒林同樣演出搶眼。李麗珍雖然都好戲,但係太靚唔似露宿者。諗諗下,如果𡃁坤冇死,老咗會唔會就係大眼輝呢?

“政府欠我地一個道歉!”道歉真係重要嗎？冇錯，一句道歉係重要，唔好以為講一句之嘛，好簡單啫，一句道歉其實可以影響好多野：政府至少俾人感覺會認錯；保留露宿者的尊嚴及尊重；露宿者的心結得以解開；事件得到公平的結果。係，香港而家有好多問題源自政府的腐敗，點解會有咁多露宿者？兩邊都係大問題，樓價持續高企買唔起，越起越多，普通市民負擔極大；露宿者被設定為犯過事坐完監出嚟就訓街，係繼續自甘墮落定係冇辦法啦咁，繼續吸毒沉淪，無論如何香港露宿者仍然係需要留意嘅命題。電影就像偽紀錄片形式去表達，所以整體較平鋪直敍，欠高潮位，不過質素未算似港台節目已經很好，皆因有一班出色嘅演員帶住，吳鎮宇放下身段去演露宿者未至於似，但憑住演技去做到一個主導成件事嘅作用，唔化妝爛佬Look為角色更立體，最後一幕更係有點心有不安，確實有啲人係為咗尊嚴而豁出去，畫面上更為震撼人心。其實香港仲有好多題材可以拍，亦有好多新導演肯去試去拍，呢套起碼比<<麥路人>>更值得入場支持，質素未至於上乘但有心，寫實片唔易拍得好睇的。

個人覺得套戲是出色，導演各方面的處理是好而到位，可以拍出這群社會邊緣人如何被制度壓迫和在生活上所面對的苦同無力感，而他在各方面處理的確完勝同類題材的麥路人。他比麥實在貼地和不因需要迎合市場而刻意做作。 其實個人覺得今套的主軸是家，他們雖然在社會身處邊緣，但他們也想有家的感覺，但因制度而令他們失去。而導演去處理同著墨上也是到位。 而在演繹方面，各人的處理也是好，尤其是吳鎮宇，他今套的演繹是獨到同好睇，他可以掌握到輝這個角色這份對制度不公義的憤怒同對因生活而產生的無力感。而比較麥中的郭富城，他今套的演繹來得更有層次同深度。 而在技藝上，這套的處理也是好，配樂攝影美術同剪接的處理也是準同獨到，可以迎合到套戲應有這份沉重感。其中輝同木在地盤高處的一段最為好睇。痴·影·夢·藝 X 的專頁 https://www.facebook.com/ckwunmovie/

當看這電影時，很自然和另一套同樣以露宿者為題材的“麥路人”作比較，自覺得本電影完勝“麥路人”，它的光亮如電影所謂“不希望講露宿者如何如何悲情、他們如何如何成為瘾君子，去吸引人的注目”，它是真實去揭露露宿者的日常生活，他們內心世界，他們對社會咆哮。銀幕上眾露宿者演員的演出真實、自然、細緻及立體，仿如身置於他們身旁觀望，演員出色的演釋少不了，而導演、編劇、故事資料搜集功不可沒。吳鎮宇淋漓盡致的表現，令人懷疑他曾否是露宿者，李麗珍這昔日迷人小蜜桃，演出收放自如，年華已去，美人胚子還在，其他演員也很出眾，太多了。電影也講到低下層對香港拖政的不滿，太多怨氣，也講到不少有心人去幫助他們。近期高質的社會寫實港產片，值得去看。希望吳鎮宇憑這電影奪得金像獎影帝，太優秀。

影評如題｡全片最寫實嘅就係其中一句對白……差人做嘢唔駛你教！