掃毒2天地對決

四平八穩，故事大路，官能場面充足，古天樂先生演出有突破。

坦白，是建立信任的先決條件。不過，如果打從一開始就決定「呃足對方一世」呢？一段感情，任何一方，或多或少總會有一些不想面對，又或是無法啟齒的隱衷。戳穿了，對誰都沒有好處。林嘉欣與劉德華在戲裏的結局，其實現實世界早已屢見不鮮。《掃毒2》的節奏非常明快，人物關係與前因後果，導演通常只用一兩句對白、三幾個鏡頭已做到交代清楚。劉德華、古天樂、苗僑偉的三線互動，其實有很多創作空間，但出來的結果卻像蜻蜓點水。全片即使有眾星拱照，而且各個角色的設定亦頗具說服力，奈何故事始終不夠立體。總的來說，只算中規中矩而已。同樣是講述窮凶極惡的大壞蛋，為了對付不知來自何方的敵人，反過來要求警察保護的 “The Gangster, the Cop, the Devil”，兩個月前在康城影展則大獲好評。這齣由馬東石擔綱的韓國動作片，是繼塔倫天奴執導的 “Once upon a time in Hollywood” 之後，2019年另一齣值得期待，也是本地影壇可作借鑑的作品。

故事有張力，三大型男加林嘉欣演技不俗，論製作，港產片算不錯的了！

邱禮濤編與導呢套掃毒2，純港產片，同前集一樣咁好睇，邱導嘅招牌動作片鏡頭迫真，十分震撼，完場前在中環地鐵站內所拍片段，真係好高難度，照睇冇可能只係CG製作，但又點可以得到地鐵公司批准現場拍攝？令我摸不著頭腦。戲內兩個主線人物，當然係劉華飾演嘅余順天，同古仔演花名「地藏」嘅馮振國，兩個黑道人物多年恩怨，到最後如電影廣告話「相惜相殺」，其實佢哋何來相惜，只有相恨，世人往往能共苦但不能同甘，可以相噓相濡，但難以相忍相讓，所以莊子輕輕拋下一句：「不如相忘於江湖。」歲月摧人，劉華老矣，眼神已畧欠光采，冇咗以前嘅鋭利，反而古仔在片內做大反派，演出更為精彩，鋒芒畢露。好幾位配角嘅演出都係水準之上，但林家楝只演一小角色，不過，正如俄國戲劇大師史坦尼斯拉夫斯基所講：「沒有小角色，只有小演員。」家棟嘅演出都恰如其份，絕不欺場。香港人一定要捧有質素港產片，本片值得入場。

電影大講兄弟情，但毫無共鳴感動位，一開始建立的伏線簡單到爆，只係三隻手指就反枱到你死我亡，仲以為係砍埋隻手。電影以三線劇情去連成最後的局面，當中有太多無謂的突兀及不合邏輯的劇情去穿插，並無助劇情發展而去製造很多煽情畫面，沒有催淚只有拖時間之感。結尾的中環地鐵站車戰失實同埋太亂，只見兩個車漫無目的地追逐，地鐵站係似但一定唔會咁大俾你舞，拍唔出個種震撼，又一雷聲大雨點小的情節。演員中劉華仍然做緊劉華，三哥仍然一貫木獨差佬，唯一可觀係古天樂擺脫以往一式一樣的演繹方式，今次比較輕狂及陰險，層次感加強了。我明呢套戲係俾大陸人睇，所以劇情咁膠都不無道理。

地铁双车精彩剧情唔闷点