綁靈

港產電影罕見的真鬼內容，勇氣可嘉

全片氣氛都幾好，香港製作算唔錯，都尚算緊張。我覺得最好笑係潘兆聰嘅客串，真係唔錯。

五個後生仔女去探險，講唔同語言都唔緊要，總之驚要一齊驚，見到鬼都唔肯走，走咗都要翻去繼續驚，睇到中間都已經估到結局，刺殺女學生的場面竟然唔見血，製作可以認真點嗎....

港產鬼片算係咁，可惜結尾太過夾硬嚟！

評分4.5/5港產多打手唔係咩新聞，所以保持警惕咁入去睇，但結果又反而唔錯，平平實實咁嚇到人，其他情節啊人物啊唔搞花樣唔出古惑，對比起D花巧港產片，呢套就顯得合格有餘。1 故事鎖死係一間舊學校，就係為左少花樣少出錯，其實咁樣根本無問題，我唸劇組唔多唔少都知，港產鬼片走歪路要推倒重來，就要由頭學起。2 頭段中段唯一唔滿意係D對白，太解說性，似畢業生作品，完全唔似做緊戲，似講故事，陳家樂獨挑大樑勉強令成團人既演繹有返D生氣。3 演員唔同語言，今次音都費事配，無視語言限制雞同鴨講都照做足全套，你講廣東話，我答普通話，真係服左佢。明目張膽咁侵入廣東話既對白，係依加黎睇真係別有一番風味。其實越黎越多既港產片容許，甚至鼓吹咁做，由用大陸演員再配音到依加明擺要加普通話，你就知一個文化被侵蝕既過程到底係點。不過呢套算好睇，就插少兩句。4 結尾解釋太求其，我都明白依加最驚比人批鬥劇情無頭無尾，矛盾唔合理，但係唔係單純自圓其說到就叫好，咁又對自己太低要求，結尾無驚喜，用最基本既扭橋解釋。咁我就只可以獨立欣賞你唔同小場景下既嚇人技巧。5 講嚇人其實都唔係咩高級巧思，只不過我係新光戲院睇本身就好驚，過分用聲效嚇人，用得太突出，所幸係揀個場景真係幾有feel，佈置得幾好，揀場景都係功夫黎既，抵讚。

沒太大期望去睇，故事可以的。班新晉年青演員算盡力演出了。係嫌恐怖位唔夠啦，都收貨。