接駁靈聲2

3.2⭐第一集家庭子女長大了，故事主線由哥哥變為妹妹，故事世界觀亦擴大咗，不再局限密室內角色互動，涉及角色亦多咗。第二集故事變得大路公式化咗，主要講述第一集家庭惨事發多年後兄妹仍未能完全走出殺人魔陰霾，決定出發去了結事情。電影長達2小時，頭1小時用嚟鋪排實在太長，亦冇乜驚嚇，可以講係燃燒觀眾精神同専注力，幸好小弟當時精神充沛。😅第2個鐘入局人魔對壘叫做正常合格，冇玩 jump scare ，只玩驚慄血腥，但唔認為要加以三級限制。整體可以擋驚憟劇情片睇，不過前段比較沉悶，整體屬合格作品，但冇咗第一集驚喜，睇咗第一集又冇理由唔睇第二集嘅～～PS• 最接受唔到嘅犯駁位係臨尾男主角哥哥竟然可以物理上觸摸/傷害到悪魔。殺人魔第一集已經死咗，第二集佢係 spirit ，唔係透明人。• 呢排男主角當旺，早前有"馴龍記"，今有此作，遅下"愛•憾事”又見到佢

其實整體故事唔錯，不過前面節奏太慢，到後面先開始比較好睇，另外雪景真係好靚！4.2/5 （84分）

上集拐子佬殺人魔已死，所以上映前都無諗過電影會出續集！故事劇情幾有心思，殺人魔與主角家庭的淵源非淺，今集殺人魔以惡靈姿態回歸，主線重心轉移到能夠夢到真實的妹妹身上。電話作為電影靈魂，今集有其重要性，但實際作用唔算大，反而疑幻似真的夢境才是主戰場！電影片長2個鐘，前半部鋪排伏線部份節奏太慢，賣弄懸疑的時間太長，略為覺悶。等到後半部正面交戰好睇得多，雖則我睇唔透3個遇害者搵主角係想嚇佢定求救，殺人魔由屈機到轉弱有點兒嬉但都睇得幾爽。今集少左密室逃脫的壓迫感，多左兄妹互動，兩個角色塑造得人性化，並非無畏無懼，但二人互相補足令電影更有溫度，女角說話夠搶口亦增添不少娛樂性。觀影平台: 荷里活影藝戲院.IG: AndyMyFilmography/ #AndyMovieReview

故仔本身係多反駁位，但真係唔可以用常人判斷力入場睇…因為講緊嘅係靈異鬼怪嘢！加分位照舊都係音效同驚嚇嘅時間…都做得幾好！故事仍然係走唔出個框框…好局限同埋創意非常有限…

今集為Grabber提供左一啲唔錯嘅背景故事，視覺效果都出人意表地提升，但作為一套恐怖片嘅續集，可以話係失敗。電影嘅設定浪費左係沉悶乏味同毫無懸念嘅劇情上 (幾乎真係估到曬)。 令人毛骨悚然嘅雪景亦都大大浪費左，好多野都重複乏味，冇左第一集嘅新鮮感，除咗交代背景，好似搵唔到第二集嘅意義。

★20/10晚睇咗🇺🇸美國超自然驚慄恐怖片《接駁靈聲》（Black Phone 2)(2025),係2021年電影《接駁靈聲》的續集。故事講4年前芬尼（瑪森泰唔士飾）從綁架者手中逃脫後,發現妹妹被😵‍💫惡夢所纏,夢中見到擄童犯「The Grabber」仍然在生。她在夢境不斷接到☎️黑色電話的來電,更目睹三名男孩在Alpine Lake冬令營被追殺的幻象。為了揭開謎團,他們在☃️❄️暴風雪中潛入營地。沒想到擄童犯再次現身與二人母親與案件有關.......................★個人認為今集不及上一集（香港2022年才上映）好睇😐😑,但整體仍不算太差❗🙂電影由上集Scott Derrickson繼續執導,覺得今次格局&氣氛似👻鬼片多過😲驚慄片,情節公式冇上集那樣有創意,而上集劇情比今集好。幸好本片劇本尚算完整,交代清晰,上半part節奏頗慢🥱,文戲亦多,文戲圍繞兩兄妹的成長過程比較文藝。電影恐怖場面差不多完全在女主角的😵‍💫夢境中,幾個「鬆喐矇」模糊畫面表達像早年菲林雪花感,個人不太喜歡！😬😐😑不過電影在最後半小時😱驚嚇度十足,冰上動作場面非常緊張刺激！另外❄️雪景畫面拍得很靚,為電影增加了視覺效果挽回不少分數❗👍🏼👍🏼👍🏼★如果喜歡上集的觀眾最好不要抱太高期望看續集,若冇睇過上集建議先睇首集❗🤩★我俾8️⃣0️⃣分❗👍🏼👍🏼👍🏼👍🏼