森中六魔女

男主角竹野內豐為處理去逝父親遺下位於深郊的大屋及土地，隻身走進偏遠森林，怎料突然走進嘅驚慄又奇幻嘅世界，所遇到嘅事令男主角明白當年父親拋下他及母親的原因同決心要完成父親遺願。大橋有點宮崎駿feel ，不過係成人驚慄版。六魔女話就話魔女，其實都幾有和風香艷誘惑，頗有sex appeal，難怪奸角地產經紀....😅。全片攝影無論六魔女定係大自然景都富美感。故事整體流暢同完整，亦做到首尾呼應。六魔女同男主角都惹人可憐，亦帶點sad。整體係可以一看嘅怪奇電影。

中英文片名都莫名其妙😕六個女子都唔係魔女！除非佢哋所代表嘅大自然或森林係邪魔啦！英文叫Six Singing Women就更耐人尋味，因為佢哋112分鐘夾埋連一句對白都冇，何來合唱一曲呢？森中六女子代表大自然默默無言向人類付出一切，供水供食供住供用，但人類忘恩負義，換來嘅係施暴、無情摧殘和斷絕生機（宇和島親手打碎巨蛋）。電影主題是宣揚環保♻️愛護林木、可持續發展⋯⋯但可惜表達手法和效果都唔算出色，觀眾印象唔深刻，唔可能銘記教訓並身體力行，有點眼高手低，曲高和寡。（我睇17:30嗰場，得兩個觀眾，即是我包咗半個場呀😱😱😱）竹野內豐老咗枯咗，又乾又柴，演技依然故我，冇乜賣點。六「魔女」冇聲出，除咗高顏值，個個綠眼睛👁️唔係跳舞💃就係游水，再唔係就切菜、茹毛飲血、木無表情、木口木面⋯⋯唔知做乜，冇乜發揮嘅空間。最奇怪嘅其中兩個，一個郁啲就用藤條打人，另一個仲會起飛腳，甚至乎追劈宇和島，但居然唔夠打，以致遍體鱗傷！用這六位弱質女流代表森林🌳就真夠諷刺，大自然真係弱不禁風，無力保護自己，既受人類傷害又要人類大發慈悲，祈求將來人類覺醒，轉頭來保護自己！最後，日本人出名愛護自己嘅山林，但拍啲咁嘅片似乎冇乜說服力，因為佢哋熱愛木製家具、地板、即棄軟木筷子⋯⋯大多數木材都係由亞馬遜森林進口，換言之，斬人哋嘅來保護自己嘅，就如戲裡山田孝之斥責竹野內豐「偽善」一樣！

29/02/2024我看電影觀後感懸疑日本劇情片《森中六魔女/Six Singing Women》未看電影之前，先看電影海報及電影的中英文片名，心中感覺諗到嘅會是一些活在森林中的魔女，捉人做奴隸作勞役或是作糧食果腹之用。但觀影過程會有些摸不著頭腦，劇情講述攝影師萱島森一郎(竹野內豐 飾)在接到父親過世消息後，於是從東京回到童年時就已經離開了的山上老家，處理父親留下的老屋。在整理父親的遺物時，發現了一張神秘的照片，相中是一群在森林中生活的女子。萱島決定前往森林尋找相中女子，他和土地開發商宇和島(山田孝之 飾)談妥交易後，宇和島驅車送萱島前往車站，卻在途中遇上意外車子撞向落下來的山岩，兩人醒來發現被囚禁在一座古宅中，宅中住著六名謎樣的女子，她們美麗而奇特，擁有著非凡的能力。看完方知原來擅長奇幻題材的導演石橋義正想用「軟性」的方式推動環保，蠻有意思的設想和拍攝手法，在蓊鬱的原始森林間，打造出充滿著魅惑力的奇異世界。人、魔分別代表著人類的闖入者與及森林中不同的生靈、物種，製造出兩方破壞和守護自然的衝突。看畢…好像不覺有聽見女子唱歌😅，有些未能即時理解，不明所以的地方及部分魔女的角色扮演(代表甚麼)？不妨找多個伴一起看，看完可以一起談論劇情，探索劇中奧秘，導演想表達什麼？何以人類不擇手段的不斷地破壞大自然生態？電影將於3月7日正式上映Trailer: https://www.facebook.com/share/v/1cpwTaEx8USbsWJS/?mibextid=WaXdOe #電影狂熱▶️FB：https://www.facebook.com/tigermoviesfever/▶️IG：https://www.instagram.com/tigermoviesnews/#森中六魔女 #電影情息群 #電影情息 #電影狂熱 #電影推薦 #電影介紹 #電影重溫 #當年今日 #觀後感 #影話 #電影 #tigermoviesnews #movie #film

導演應記一功，拍得流暢懸疑，但是所謂六魔女，那裏會唱歌，同片名一啲關係都冇，六魔女開頭好似懶係勁，之後又俾人打到一仆一碌，有少少不知所謂所！

等串流值得等慳得就慳

應該是關於環保的，用女人代替大自然，既堅強又軟弱，一正一邪的人類，沒有輸贏，只有守護