玩命直播

網紅KOL奢華生活幾好睇，不過有點太長，明明入場係想睇密室逃殺咁過關斬將爭做生環者麻。終於等到入正題，氣氛唔錯，不過幾關Puzzle Task又唔係好難解，之後竟然完左？劇情突然發展成殺人直播中的主角，意識殘酷但畫面唔太血腥，男主逃脫過程幾緊張但又有點兒嬉，好友攬炒撻死真係想反白眼。觀影時心知一定有「二五仔」，但又真係估唔到個結局係咁。其實故事大橋真心唔錯，但細節上執行可以安排好啲，驚險啲。

電影描述其朋友設一鬧局讓主角丢入擺佈裹，用很多角色及場面去騙取主角把鬧局信以為真，但始終旁觀者清，觀眾稍為泠靜都感覺很多埸面是人設計好的，導演未能讓觀眾像主角般引入局，產生驚嚇感。不過不失的驚嚇片。至於戲結尾如古語“勤有功，戲沒益”。

玩密室逃脫既橋暫時未有一部能超越<<SAW>>系列，珠玉在前，一定要搞搞新意思，今次加入時下必玩元素：直播。而家呢個潮流係乜人都可以做YouTuber，拍乜題材都好只求hit rate，迴響，甚至靠呢樣野去賺錢，有時D人就係因為為咗呢樣野而冇左基本做人嘅底線，就如片中只求直播而忽略身邊人嘅安全。前半部用咗頗多篇幅去描述眾人係莫斯科吃喝玩樂，男女主角之間嘅感情線，看似交代關係劇情，但其實俾我觀感係拖時間，或者片長問題Budget問題塞時間，而最大敗筆係搞手既一句說話：說穿了以下落嚟嘅野唔係真，冇人會真死，玩你咋。結果密室逃脫容乜易解決，過程懶係緊張，但觀眾已經明知一定冇事，就算之後既逐一被殺，有幾血腥只會係假，最後估到個結局不見得好震撼，可見導演將一個好好嘅元素用一個好愚蠢既手法去處理，實屬可惜。