笑傲江湖

大陸神劇笑傲江湖2025，我自小便看金庸，回憶殺，都有憧憬自己皓似令狐沖咁蕭灑。入場冇乜人，任坐。節奏明快，打得性起，招式獨孤九劍邊九劍我已經唔記得，但有CG配合，有洪金寶做風清揚幫手打下仲有埋原版粵語配音，見男女主角配音係Oscar同薜凱琪。張雨綺做東方不敗真心靚🥰。王晶做監製編劇改編咗東方不敗既起源同終結，都有新鮮感。主題曲都係霑叔首滄海一聲笑有共鳴，但國語版。上一套笑傲江湖許冠傑版原來已經係1990了

男主好丑樣。似韓國仔。男同女主角相遇先至好睇。改劇情，改到好淒美。值得一讚。創新小小。始終重拍好多次了。有啲重要鏡頭剪走左。鐘意正統版未必會愛呢套。但4星一定有。

很喜歡令狐沖的性格，沒有傳統名門正派的思想枷鎖，亦沒有爭權奪利的欲望，重情義，愛自由，渴望上雪山看大海遨遊江湖，但又善惡分明，跟女主角的感情線也相當動容，全片節奏緊湊，動作特效豐富，唯結尾稍為草率。4.7/5 （93分）

內容大同小異，雖然金庸唔高興徐克程小東搵個女人演東方不敗，但我仍然覺得林青霞演嘅東方不敗最「俊俏」最有殺氣，眼神凌厲氣勢凌人，英到不得了，而且仍是一個閹咗嘅「男人」，張雨綺好漂亮但演技和懾人氣勢遠遠比不上青霞，唯一不同係哩個東方不敗真係女人！選角上哩集亦遠不及胡金銓、程小東嘅版本，葉童、李嘉欣嘅岳靈珊遠遠拋離今集嗰個，化妝化到庸脂俗粉咁，演大戲咩？張敏、關之琳嘅任盈盈無論色藝都完勝哩齣！藍鳳凰令人懷念袁潔瑩，哩齣嗰個只係大花面，扮小丑🤡咩？至於令狐沖，黃曦彦長身玉立，只係贏身材，但論武打，同李連杰根本冇得比！既然人腳差咁遠，就唔該俾心機講好過故事啦，居然80%照抄三十幾年前嘅劇本，搏觀眾唔記得定係未出世呢？就算想呃人仔，大陸人都睇過老翻港產片N次啦，若要人不知，唔好咁低B啦！連經典鏡頭都重拍：東方不敗水中仰面喝酒、黑暗中東方不敗以綉花針對戰獨孤九劍、結尾東方不敗墮崖捨生推令狐沖上絕頂⋯⋯但全部差過三十年前，冇咁有美感咁流暢咁浪漫！啲武打只係吊威也同CG，相比程小東嘅武術設計+李連杰嘅武藝，哩齣否定咗時代同科技嘅進步！台前幕後都輸九條街🤬🤬🤬最後電影節奏仲要慢過三十年前，悶到要睇錶，最開心係散場嘅時候，我睇嗰場全院得四位長者🧓絕對解釋咗東施效顰、狗尾續貂⋯⋯哩啲成語嘅意思。

一段時間都有再拍見慣不怪，最近期的霍建華電視劇版（2013）亦將東方不敗改成女兒身也不錯，但是問題兩位主角顏值有待有緣人吸引。張雨綺所演的東方不敗是幾似林青霞，樣似純粹但眼神可能就有點距離。女演員就明顯落重妝容，可能時興內地的模樣吧？好似戲中岳靈珊比日月神教更妖氣⋯⋯場景大再加CG仍呈現出得比較空虛。再加上狂落頗多子彈時間，但落得太多反而無咩新鮮。配角更加搶眼。風清揚應該比較世外高人的神秘感，但可能要比洪金寶多出場機會搞到其角色老是常出現。君子劍岳不群就下場幾蠱惑，被人發現他所做的事一場幾骸人，改動上算略為新鮮，但又着墨不多變成路人角色。然後就林平之呢？

《笑傲江湖》乃金庸創作的著名武俠小說，已經不止一次被拍成電影。也許是先入為主的原因，我不能投入黃曦彥飾演令狐沖的角色，總覺得他在戲中的情緒變化來得有點很不自然。不過，故事再次令人相信，愛情真的可以改變人的思想和決定。