盜火線 (4K修復版)

4.2⭐1995年作品。2025年第一次睇。今時今日望返轉頭，絕對係卡士強勁，仍然好睇，冇 outdated 感覺。全片劇情/佈局細緻緊密冇悶場，男角影帝級演技出色，電影充滿男人剛陽味。警賊對壘戲劇張力十足。槍戰場面亦拍得非常出色，具真實感同臨場感，尤其槍聲音效非常突出，影音享受滿滿。不過有少少要彈嘅係羅拔狄尼路條感情線為做而做，有啲夾硬嚟同多舊魚。另外阿爾柏仙奴個性/情感設定太僵化，欠缺咗少少人性感情。整體此作絕對係動作/犯罪片佳作，具90s動作片氣息，值得一看。

話說瘋狂睇戲都係近十年嘅事，導火線雖然屋企有碟，屋企人都成日提，大家都話呢套係經典，但始終未睇過，難得4K重製版喺戲院上映，梗係入場支持。我唔否認呢套戲喺當年係經典，加埋有一班大cast好戲之人喺度，我覺得係唔錯嘅，但放到今時今日嘅準則、經過咁多好電影嘅洗禮，完場之後我不禁問自己如果呢套戲係2025年先上映，佢會有咩評分？又係老問題，支線過多、劇情鬆散、貪心嘅導演想講嘅嘢好多，但每樣都淨係講少少，唔夠深入。有啲劇情直頭覺得冇乜用，就例如Natalie Portman，佢成條線刪除對電影故事可以話係冇影響。加上有啲拖戲，有啲位都節奏幾慢，一個簡單故事竟然可以接近3小時，人物角色塑造除咗羅拔迪尼路同阿爾柏仙奴之外都比較表面，竟然三個鐘都塑造唔到。要讚嘅係動作場面算係唔錯，鬧市中嘅槍戰場面的確經典，呢方面擺到今時今日都係好睇嘅！

兩大影帝級傑出之作，絕無冷場，跨越年代。

Very entertaining with good storyline, good action & good fight, good production, good 🔉🔊sound effect, good original score & special effect,9️⃣8️⃣% or A+👏🏼💪🏼👍🏼

單以警匪有相似之處。無論家庭困難和處事作風已精彩非常。Al Pacino “Brother you are going down”Robert De Niro “U flip a coin there is another side of it”就可以記一世，為人津津樂道盜火線 heat 男人之苦 男人最痛 難為正邪定分界 永恒經典https://youtu.be/eUM34tv9Uh0

經典之作，睇過好多次，細個果時明珠台每次重播都會睇，唔講其他淨係講兩大影帝阿爾柏仙奴同羅拔迪尼路餐廳對話嗰幕，係兩個影帝最prime最型嘅時期拍，兩個都型到震，短短幾分鐘對話已經非常經典，嗰種壓場感同戲味，都唔會喺普通演員身上搵到仲有韋基馬都係prime 嘅時候，RIP唔使講咁多必睇犯罪片之經典