非遺．壹

冇諗過，紀錄片係可以咁吸引，唔沉悶，唔死板，有好多都市人唔會有機會睇到嘅傳統文化。另外茶餐廳食品，係生活好普通嘅日常野，但大家都會遺忘左《初心》呢2個字，行過路過，奶茶蛋撻，好似好平凡同唔起睇嘅食物飲味，但其實係一班師傅們每日都用心制作。睇完會提醒自己，飲一杯奶茶，食一隻蛋撻，唔好再係求其填飽咗個肚嘅事。放慢自己，好好享受，師傅嘅用心製作，再諗下《初心》

呢套紀錄片真係充滿味道，睇住睇住就肚餓到想即刻走去試晒佢哋嘅美食。成部片唔單止拍得靚，仲好有心機咁介紹傳統節慶嘅由來。最正嘅係，佢哋唔係淨係講食物好食，而係將食物背後嘅文化歷史、人情味連埋一齊。睇完之後，你會覺得食嘢唔單止係填飽個肚，仲係一種師傅用心製作嘅情感連結。真係一套睇完會令我想即刻搵返呢幾間或本地其他的餐廳坐低，叫幾味地道菜，慢慢感受食物背後嗰份溫度嘅好片。

原來花左四年時間去記錄大澳既節日，仲敘述埋香港茶餐廳文化蛋撻 菠蘿包 奶茶 都係我好鍾意食既野，但原來全部都係非物質文化遺產，仲要原來傳統方式係咁做好欣賞攝影團隊！！

其他人唔知，但自己掏荷包出來支持港產電影，覺得電影要上映到大銀幕，對片的製作同處理有一定要求，很人之常情吧。。但一邊睇一邊發覺，oh原來這不是電影。。。但又去唔到星期日檔案/鏗鏘集的製作水平，咁究竟係咩嚟嘅呢？唉，無野講，伏到爆。不過你地自己人睇得開心，J得開心就算啦。

大伏！全部正評都係打手！！根本就係圍威喂廣告宣傳片一點都稱唔上電影。消費香港非遺，浪費晒好題材。故事挖掘唔夠深入，資料蒐集唔夠深入角度零散，拍攝粗糙，仲要插入AI動畫😕

很有誠意的作品！感受到卓導演的用心，村民的熱誠及溫度，一眾技藝傳播者的使命感，好有驚喜的紀錄片👍🏻難得香港仍有這樣的文化片。