感動她77次

電影講到不同年代的女人，在感情上的抉擇。一班豬朋狗友講出不同心態的都巿男與女想法。女的要求你分手後有哀悼期，男的就下個會更好。當你原諒了一個人77次的同時，卻忘記了你當初肯原諒他的心，若他真的不值得原諒，那便原諒一次都叫多，既然可以原諒他77次，証明妳還愛他，只是不想再受傷了。可是電影節奏太快，議題探討不夠深，希望續作能更深入探討。

珍惜當下 珍惜身邊人 唔好等失去先發現原來對方係咁重要

感動她77次 (77 Heartwarmings) 2021⭐️⭐️⭐️⭐️⭐️⭐️四年前看過原諒他77次，記憶有點模糊，這部戲一開場Flash back返上集劇情補腦，之後看到其他角色登場就開始有翻啲印象。.配角感覺跟上集差不多，C君繼續是個平行時空的癡情富豪，行為異常突出，有人覺得佢好笑，但我覺得佢同電影格格不入，有點尷尬。盧巧音，鄭希怡及J Arie三位絲打代表不同女性角度的意見。反而陸永，Bob跟小肥三位巴打戲份唔多，感覺只是平衡返絲打。.主線方面，周柏豪同阿Sa條線原先唔錯，講現代男女關係，上集是發掘伴侶缺點而萌生分手念頭，又因為愛而原諒包容；今次講分手後餘情未了，游走翻撻與普通朋友之間，電影以Eva角度為主導，個心十五十六其實只有她一人，Adam的心態相當堅定，但無乜睇頭，所以加個第三者左右大局。看來編劇嫌C君演的NT唔係Adam對手，加入Mario做個萬人迷第三者Marvel，不過設定頗為奇怪。首先是他的角色身為國際大明星，但除了通街廣告，只有一個粉絲追星；另外參照現實行為藝術家而設的Intruder身份亦唔知有咩想表達。不過最怪的是他本身想Eva跟Adam復合，後來忽然追求她，這條感情線比Adam同Mandy條線來得奇突。而我感覺Eva的心好像從來沒有Marvel....至於Adam的感動她77次大計不太打動到觀眾，反而惠英紅飾演Eva母親，無論是跟阿Sa的母女情或是跟鄭丹瑞的愛情都更為感動。亦是電影最好看的部分。.其實前段有幕講離婚大數據有大量藝人客串都幾好睇，但完場已經講唔出有邊個，只記得有點好笑。.觀影平台: Cinema City 朗豪坊.IG andymyf / #AndyMovieReview

正所謂，有幾大期望，就有幾大失望。我真心係《原諒他77次》嘅頭號fans，翻睇過好多次，為咗呢套戲都唔知流咗幾多眼淚，事隔5年聽到要出續集真心興奮到叫咗出聲，但你比啲咁嘅野我睇？－#劇情超級鬆散 #愛情電影唔一定要貼地先賺人熱淚，港產經典非貼地愛情電影其實都有好成功嘅例子，例如《瘦身男女》、《胭脂扣》等等，所以今次Marvel（Mario 飾）係Space Intruder其實冇問題，但有問題嘅係呢個設定完全係為搞而搞，我睇唔出呢個身份對呢個角色或者同Eva（蔡卓妍 飾）嘅感情線有咩關係，如果只係為咗比佢邂逅到Eva，咁呢個身份真係好雞肋，邂逅可以有好多方法，既然吹到咁大，咁點解唔可以著墨多少少呢個角份嘅功能呢？當然，除咗Marvel嘅身份好雞肋，係連呢個角色都好雞肋。睇Poster都估到係兩男爭一女，但完全睇唔到爭咗係邊，只係因為Eva夠膽駁Marvel兩句就愛上了，然後零感情基礎下就錫落去Eva到，更甚係Eva對佢已經有少少心動？我相信少女嘅漫畫都唔會出現吧！其實明眼人都知道Eva經歷完Adam以前咁傷害佢，面對住Adma由衷嘅改，佢都只係想係「想一個人」同埋「想一個人」之間做抉擇：佢「想一個人」，想一個人生活，因為作為事務律師嘅自己已經看透咗愛情同婚姻好大機會都會破裂；同時，佢「想一個人」，生活上每一樣野都提醒佢仲想念一個人，而果個人從來都只係Adam。以純粹觀眾角度，若然想冇能力概括3條感情線(Eva＋Adma／Marvel同埋Eva媽媽＋寶華)，倒不如Skip咗Marvel專注寫返Adam點樣感動Eva，既能分多啲資源專心寫好呢條線，又可以滿足到《原諒他77次》Fans（相信有8成觀眾都係比上集呃入場）。但當然請泰國人氣明星Mario拍，係經濟角度下又可能可以吸引多啲觀眾入場，只可惜口碑奇差，相信Mario都救唔返。－#轉型為喜劇又想賺人熱淚過份貪心 未上畫前已經知今次加咗好多喜劇元素，的確有啲位都幾fun，但可惜只有C君一個苦苦撐起搞笑畫面，睇到一半都開始冇乜新意之餘，仲開始加插惠英紅同Eva嘅母女動人戲份，去到目前為止單單憑劇情發展我覺得還好，都吸引眼球的，紅姐做戲好就唔洗多講，今次仲同旦哥好多對手戲，令到我差啲以為《感動她》個「她」就係惠英紅，支線完完全全蓋過主線，有咁充份嘅劇情又要強加喜劇元素，再要分薄主角Eva感情路上嘅抉擇比兩位男主角，而完全拿捏唔到點平衡，最後不了了知咁彈個片尾名單我先知原來個故事完了⋯⋯－#感動她77次 #原諒他77次 #77heartwarmings #蔡卓妍 #周柏豪 #衛詩雅 #MarioMaurer #英皇電影 #港產片 #電影 #香港電影 #睇戲 #hkmovie #moviehk #movie #l4l #f4f #tagforlike #tagsforlike #hkig #hkgirl #影評 #影後感#睇戲 #hkmovie #moviehk #movie #l4l #f4f #tagforlike #tagsforlike #hkig #hkgirl #影評 #影後感

先唔講咩黃藍9拍豪真係廢演員只能接廢戲嗎入場支持了給我比電視劇更差的東東⋯⋯