電影 教場：驪歌

個人覺得今次下章是比上章遜色。個人覺得遜色的原因主要因為尾段這個鋪排，我明白這個是鋪排是呼應之前的教場所遺下的伏筆（上章有所埋伏），但好覺得不需要這樣大場面，因為這樣大場面好令人感覺好為做而做同過於太著述，這點我好不喜歡。咁當然如不計這段，這章整體是好睇，劇力依然旺盛，鏡頭分鏡處理同上章差距不大。PS：這套片尾有額外片段，但睇完會覺得………………痴·影·夢·藝 X 的專頁 https://www.facebook.com/ckwunmovie/

情況同上集一樣，根本就係兩個半鐘嘅劇集，節奏慢得可憐，完全冇一個電影應有嘅節奏同劇情推進，繼續鋪墊一啲同所謂最終大佬冇關係嘅故事。喺劇情中又一次睇到日本人嘅迂腐，同低能－最頂唔順係兩姊妹劇情，明明係個阿婆碌落樓梯，但又唔報警，又唔知驚乜春，最好笑係兩姊妹最後竟然冇事，知情不報+妨礙司法公正，點都冇得再做差佬要坐監啦，笑死人咩？然後應該係全套戲最緊張嘅最終一幕都極度兒戲，黐線佬勁容易入咗學校，然後成班垃圾畢業生好心就唔好俾佢畢業啦，面對唯一一個反方向進入會場嘅傻佬，成班未來差佬唯一做嘅就係跪喺地下，講到木村幾醒，懶又俾佢炸到傻傻地，低能劇情又淨係炸前後左右，然後成班刑警就喺大門口食花生？最後一場講佢盲咗又係好笑，明知拉殺人犯好心帶一班人去，自己一個上陣結果兩隻眼盲晒勁低能。盲咗點做阿Sir啊？仲可以改卷？全場勁多人瞓覺😪😪仲有就係影相嗰個未來差佬 ，又知情不報爭啲累死木村，啲劇情不斷重複又重複，個個都收收埋埋、個個都俾木村踢爆😪

《電影 教場：驪歌》延續3月上映嘅《電影教場：集結》，繼續講205期學生嘅成長同最後一課，仲有風間嘅個人過去同大危機爆發。電影由中江功執導，木村拓哉、綱啓永、齊藤京子、金子大地、倉悠貴、井桁弘恵、大友花戀、大原優乃等主演。.教場由2020年開始嘅特別編到電視劇，終於將呢個咁受歡迎嘅系列搬上大銀幕，呢集《驪歌》宣傳話係系列嘅最終章，但其實係可以不停拍落去😂而今次都有交代返風間之前啲恩怨，亦有205期學生嘅問題處理。.如果冇睇上集O唔OK？其實可以的，因為上一集都係交代205學生嘅背景，雖然都有幾位學生問題處理同埋劇情係接住落，但係唔會影響到你完全睇唔明；不過如果睇埋上集就會更加易理解同埋對佢哋感情深啲。而今集都係繼續處理唔同嘅學生問題，但今集嘅故事明顯好睇啲同緊張啲，節奏比起上一集好咗，可能係真係喺戲院上映嘅關係，《電影教場：集結》只喺日本上串流平台，為今集儲下熱度。.今集頭同尾段兩件事最深刻，真係估唔到，但風間教官又係咩都知😂真係大癲😂唯一可惜係希望啲舊學生可以出場多啲🧐🥹佢哋傾嘢嚟嚟去去都係得嗰一個景😂.如果有睇開《教場》系列就一定唔可以錯過，冇睇開都可以入嚟睇木村飾演嘅風間，點樣訓練一班新警察👮👮‍♂️睇下你會唔會俾佢氣場嚇窒😂每堂都真係袋錢落袋🥹情侶上嗰堂課夠晒寶貴🫠

一個電影系列的成功，突破性固然重要，但角色的穩定性也不能忽略。故事聚焦在第205期警校學員的最終試煉，風間教官以嚴苛方式，迫使學生面對自身的弱點與秘密，其中有緊張的劇情推進，也保留了角色間的情感糾葛。木村再次展現他冷酷而深沉的演技，風間教官的威嚴，與洞察力成為全片的核心。其他年輕演員如綱啓永、齊藤京子等，則透過各自的角色，呈現不同的矛盾與成長。群戲的設計相當立體，讓觀眾看到多角度的人性面貌，也增添了故事的厚度。影片採用懸疑推進的方式，將學員的秘密逐步揭露，並與校內事件交織。這種結構有效推進劇情變，觀眾在跟隨角色的同時，也不斷被引導去思考「成為警察」的真正意義。除了懸疑與考驗，片中也描繪了友情、愛情與家庭責任。例如角色間的三角關係、保護家人的掙扎，都讓故事不僅停留在職業訓練層面，而是觸及更廣泛的人性議題，這些情感元素使觀眾更有共鳴。《教場：驪歌》不但延續了系列的嚴肅風格，在角色刻畫上也更為細膩。雖然部分劇情略顯重複沉重，但節奏尚算緊湊，也兼具懸疑張力與和情感描述，對「劇埸」系列的粉絲，應是一部能夠交待的作品 。

簡單講成套戲分2 part. Part1 講兩條女爭仔，Part2講阿婆叉錯腳仆街死左。最後係禮堂燒幾粒炮仗咁撚樣都可以炒成一碟戲😂吹撚脹