馴龍記3

首次看這系列電影，故事場面生動有趣，合全家觀看。人成長便要面對捨棄，最艱難時刻都是體驗勇氣的時候。

卡通片，大團圓結局是正常的，不會印象深刻；而這套戲帶給觀眾的，是美滿而動人的結局。大部分情節都係沒什麼特別的卡通片情節，而在一輪正邪對決完結後，迎來的不是歡歡喜喜大肆慶祝，卻是令人不捨的離別，讓龍族們回去真正屬於自己的家，亦為故事完美落幕。今集條白龍好可愛，龍世界亦好靚，黑龍同白龍愛情甜蜜，主人同龍之間感情亦很深厚，造就完美結局。4.6/5 (92分)

一直觉得美动画系列最好看题材慢慢看着两个身体缺陷的生活物种互补一步步一起成长当部落领袖和龙王 为了对方舍弃自我感受 分开 有了自己的家庭

人和龍共處多年始終要面對傷心的時候。

之前係喺tbb接觸到，幾鍾意睇個故事維京人同龍哩個組合屬個人喜好所以有追開來到結局章~依然屬於高質素製作龍的秘境做得好靚❤內容適合小朋友睇同檔期得番啲賀歲片，如想睇戲可選哩套~

「馴龍記」呢個糸列係夢工場其中一個好賣座嘅系列，當中維京人嘅風格加埋啲龍，我都幾鍾意下，「馴龍記2」已經係好耐之前上映，估吾倒過左咁耐，今年有套第三集，緊係要入場睇啦。 睇完之後，我係覺得正嘅，好睇嘅，角色吸引，而劇情就感覺上一集精彩好多，畫面幾靚，節奏快，冇悶位，大致上都滿意。 喺第二集要同龍王打，畫面非常精彩，打鬥場面非常多，而嚟到第三集，今次思噎仔就要解決龍獵人嘅問題，老實講，呢個問題根本吾算一個大嘅威脅，打鬥場面都少左好多，不過冇辨法啦，因為思噎仔仲有好多問題要解決，今集主要都係描述返思噎仔呢位新族長剛剛上位嘅狀況，作為完結篇，我已經滿意㗎啦。 今集嘅角色都係咁好睇，男主角思噎仔今集好多問題要解決，例如人同龍共存呢個問題、龍獵人嘅問題等等，呢個問題對思 噎仔嚟講可能係難題，但正正係呢啲難題先可以磨練倒男主角成為一個好族長，而女主角阿翠對比前兩集，今集嘅戲份真係多左好多，同男主角思噎仔嘅感情線就描寫得平淡左啲，不過都吾錯嘅，無牙仔「夜瘋魔」今集終於有伴啦，無牙仔同「日瘋魔」嘅互動幾有趣，大反派龍獵人造型麻麻，又係例牌奸角，今集大部分角色嘅戲份都少左，不過佢地嘅表現都係咁出色。 由睇住男主角第一集只係個好多嘢都驚嘅細路，去到而家已經變成一個好出色嘅族長，我地呢班觀眾就好似見證住佢成長，結局收得好好，相信吾會有多一集㗎啦。 總括嚟講，呢套戲係正嘅，好睇嘅，角色吸引，劇情吾夠上一集精彩，但作為完結篇就安排得好好，畫面都幾靚嘅，呢套戲都推介嘅，鍾意「馴龍記」嘅朋友就啱晒啦。