不存在的罪人

有戲味，導演鋪排ok，懸疑感可以，d鏡頭做得幾好近鏡，遠鏡都可以，不過一個故事起承轉合好重要，呢套戲去到尾段有好多BuGs ，其實有啲位應該前邊要交代清楚，如果唔係觀眾會睇到唔合邏輯！所以d評論咁兩極

2.8⭐首先，都唔知做乜要頒個 III 級認證比呢套戲, 亂咁比、多鬼餘！影評如題。電影接近兩小時, 頭個半小時劇情節奏緩慢, 又冇乜起伏, 全靠有吸睛嘅女演員撐住。最後廿分鐘劇情又突然全速解迷, 除後補作家女主角動機較清晰明顯之外，果兩公婆關係同行事動機都好模糊同牽強，導演講故事技巧似乎欠火喉。所以結局都係含含糊糊咁, 唔知佢想點。PS.• 海報上Hathaway 雖然個頭最大同放中間，但電影中其實佢嘅戲份只係女二或大配角• 如果冇呢兩個女星參演, 呢套戲真係搵鬼睇• 而家啲三級認證比得好隨便，往往令觀眾大失所望

你估佢係兇手咩？錯，邊個都唔係，可能係冇？💢

大家好，我是 Wild Wildy！今日同大家睇吓改編自 Colleen Hoover 暢銷小說嘅最新艷情懸疑電影——《不存在的罪人》（Verity）！Google Fact-Check 影評基本數據IMDb 評分：6.2 / 10Rotten Tomatoes 爛番茄：42% (Critics)導演：邁克爾·肖華特 (Michael Showalter，曾執導《聽見愛你的聲音》/ The Idea of You、《情人眼裏出狀元》/ The Big Sick)主演陣容：安·妮海瑟威 Anne Hathaway (43歲) 飾演 Verity Crawford達珂塔·強生 Dakota Johnson (36歲) 飾演 Lowen Ashleigh喬許·哈奈特 Josh Hartnett (48歲) 飾演 Jeremy Crawford故事簡介：女作家 Lowen 接手替車禍重傷嘅知名作家 Verity 續寫小說，入住 Verity 家中，卻意外發現 Verity 留低嘅驚悚自傳手稿，掀起關於真相、慾望同人性嘅泥沼。導演 Michael Showalter 拍過唔少知名作品，但拍艷情懸疑呢類題材，應該都係佢嘅第一次挑戰。讚：紐約美景開局：片初嘅紐約都市風景拍攝得非常高質感，鏡頭語言同氣氛營造得唔錯。我最愛嘅「貓女」Anne Hathaway 撐場：43 歲嘅 Anne Hathaway 飾演 Verity，今次素顏演出可以話係極大犧牲！雖然俗語話「最鋒利嘅刀都有生銹嘅一日」（引用姜大衛喺《刺馬》嘅名言），但女神願意拋開偶像包袱去演呢個極度病態同複雜嘅角色，依然很有睇頭。演員陣容話題性足：Josh Hartnett (48歲) 飾演男主角 Jeremy，雖然之前聽講佢被自己個女笑話太老唔適合演呢個角色，但睇落其實保養得還可以，只不過角色定型感稍微重咗少少。至於 36 歲嘅 Dakota Johnson 飾演 Lowen，坦白講無論係樣貌、演技定身材，對比巔峯時期嘅 Anne Hathaway（貓女）確實有段差距，但三人嘅組合話題度依然相當高。彈：論艷情不艷情，論懸疑不懸疑：成套戲最後流於平庸。美版評級係 Restricted（R級），嚟到香港變咗三級片，原本以為會係「荷槍實彈」、「激戰連場」⋯⋯點知整套戲真係露點嘅就只有 Dakota 喺浴室自摸嘅那一幕⋯⋯（不過講返轉頭，現在嘅貓女如果真係要全脫也就算了吧，好怕變成 Emma Stone 喺《Poor Things》嗰種傷眼「震撼」）。懸疑感極之普通（劇透分析慎入）：角色動機忽然急轉彎：前面鋪陳有如港產片《虎毒不》咁，講述母親有產後抑鬱或心理陰影，呢啲本來好合理。但 Dakota 飾演嘅 Lowen，由原本一開始極度厭世嘅設定，突然間忽變「發錢寒」⋯⋯中間鋪陳不足，性格前後矛盾，單靠幾句對白交代完全欠缺說服力。男主角反應過激：Josh 飾演嘅 Jeremy 單睇文字（例如提及「第一日的相識就是錯誤」等等，其實呢啲義氣說話或感嘆根本冇咩大不了），但他好似超敏感體質咁，完全不聽解釋就怒火中燒⋯⋯呢度真係令人打個大問號。可能係我太愛貓女，對其他角色特別苛刻吧。新意欠奉，套路陳舊：「作家憑寫作寫出虛實交錯/隱秘心境」呢種橋段早已唔新鮮，舊有 1980 年 Stanley Kubrick 嘅《閃靈》(The Shining)，2004 年 Johnny Depp 嘅《秘窗》(Secret Window) 等等，珠玉在前。最後嘅翻轉套路有少少似《美傭誘罪》，但力道完全唔夠——唔夠血，亦唔痛，最後落得個「唔癢唔痛」嘅尷尬局面。最大得益者就最有殺人動機，你當差佬傻㗎咩？整體嚟講，《不存在的罪人》論演員組有吸引力，但執行落嚟同某些轉折位卻兩頭唔到岸。你又點睇呢套戲呢？Anne Hathaway 嘅素顏演出有冇驚艷到你？歡迎喺下面留言話我知！記得 Like、Share 同 Subscribe 我個 Channel，我是 Wild Wildy，我哋下一部影評見，Bye Bye！