春嬌救志明

以下是我對這套戲的評語：我覺得套戲是出色，彭導處理得好和夠貼地，余春嬌和張志明這個港式愛情故事來到第三套，彭導可以繼續令這個故事有新鮮感和有共鳴感，這樣真是佩服彭導，老實這集好笑位和感動位的處理也是精彩，他繼續玩集體回憶，今次玩小雙俠。我覺得他玩得頗有趣。咁當然他有玩他拿手的天馬行空的創意。咁當然在戲中的笑位和每一個笑位也是設計得好和準。但他在勾畫余春嬌和張志明的情感矛盾位也是準。兩個的捕捉和演繹也是很準。而可以寫出一個大男孩終於成長的故事（咁當然我估一定有下一集春嬌與志明一家，只是何時拍）。講真春嬌與志明這個系列可以長拍長有和人氣長期高漲，彭導的勾畫和故事設定的功力也是一大元素，而今次有刻意向五月天致敬（因他的歌志明與春嬌令彭導有志明與春嬌這個故事的出現），而千嬅和余文樂演繹得很準和令人有共鳴感。這樣種種加了可以成就了志明與春嬌這個港式愛情系列的。

嚟到第三集，應該最後一集，彭導演起片名時，一定度咗一牌，終於就叫「春嬌救志明」啦。其實今集應該係「春嬌降志明」至啱，好似乜乜降魔咁，阿嬌今回收服咗阿明吖嘛。用個救字，即係好似「神救世人」，意指阿嬌打救阿明，咁樣係有啲唔係咁貼題，套戲睇唔出志明在沉淪中被春嬌打救嘅喎。其實呢套戲同上兩集都係咁好睇，好多對白好貼地而令人會心微笑，這個姊弟戀故事，講兩個性格唔係好夾嘅男女走埋一齊，一個港女，一個大細路半鬼仔，終於因為鍾意走埋一齊，話天意又好，話緣份又好，來個大龍鳳，就正正式式一齊，圓滿落幕。不過我總係覺得，鬼才彭導會唔過吓再搞翻套分手，我哋就拭目以待喇。

余張兩人都已經過左咁多個歲月，故事幕幕都令眾巴絲刻骨銘心，今集混合左好多新元素，添加驚慄、科幻、超自然、超現實、新角色如秦沛、吳岱融；特別客串Jan Lamb等等數之不盡，全部都搞笑連場，爆左好多金句，導演編劇值得一讚！

與其話春嬌救志明，反而似志明救春嬌，有陣時係度諗，一個港男究竟同一個比自己大嘅港女係埋一齊，究竟貪佢D咩？疑心大？吃醋狂？其實，男人最驚嘅，呢集嘅春嬌都氾鬼曬，不過，作為粉絲，我梗希望睇第四集嘅～

一幕幕似層相識既畫面，新意欠奉，拍到第三集似賀歲片，一大堆頭，不要有所期望，笑料亦都係攪下爛gag，加上唱K歌真係已經over哂。