20 Twenty

20歲做乜都得，仲有大把時間，唔怕比人鬧，呢套戲正正講到呢個重點。故事雖然簡單，但非常好睇，尤其係最後餐廳打架個段，好好笑，三個男主角都做得好好，特別係金宇彬，之前幾套戲都只係花瓶，今次終於睇到佢嘅演技。結局睇落去好似好簡單，其實套戲都係想講，20歲就得一次，珍唔珍惜就睇自己。

整套戲由頭笑到落尾冇停過，三位男主角唔只靚仔，演技仲表現得非常出色。套戲充分表達出年青人對於未來既憧憬又恐懼嘅心情，要由青年變成成年人嘅轉變，仲要學識面對現實嘅種種無奈，當然一啲都唔容易，不過一定要記住保留青年時果份勇氣同熱誠。

情節好傻，好笑。尤其係餐廳大戰個幕，哈哈哈哈

演員出色，尤其喜歡片中選的英文歌，好聽又好配合劇情和鏡頭最深刻有兩段1）前路的選擇：現實還是理想，意想不到居然還有第三個選擇2）笑到差些肚痛的慢鏡打鬥場面，配上「All by myself」一曲，真係超讚

爆笑到不得了！不單止是睇偶像的電影！大部分人都經歷過20歲, 但對談戀愛等一竅不通, 有些更要面對學業及家庭上的困擾，想追尋夢想,但仍覺得很徬惶。三個朋友經常聚在一起, 不論吃、渴、傾偈或打打鬧鬧⋯就是常在你左右發生的事情，又好笑、又難忘。其實20歲的時候, 差不多成為成人, 亦可說是人生的一個轉捩點，影片傳達好多正能量！