《赤裸人性》微電影系列

如題

作為一位年看幾百套作品既觀眾，我對不同製作水平既作品抱不同觀影態度，亦有極高超高包容程度，但依套電影連一般大專作品水平都無，根本係一套「扮藝術」片既垃片。我欣賞套野夠膽係影藝上正場，個個入完場既觀眾，有一半會用粗口問候你依部垃圾，好心依套票房「炮灰」提早落畫吧，無謂燒錢。我見下面有位咁有心分析依部垃圾，我又分析一下：第一段：《無性界之婚》：成套電影最可觀既部份，題材都算可以，但完全捉唔到拍攝既重點，劇本刻畫上仲有極大量可深化既地方。坦白講，講一個變性人既掙扎，唔係求其用幾句對白同幾個人就可以交代到。男女朋友係一個要講既地方，但佢個人既內心掙扎呢？你求其用幾個鏡頭就算？唔係下化？愛情線更係一個重災區，一個男性化既女仔同一個女性化既男人係一齊，男性化既女人無好好描寫出黎，特別係最後，兩個人都著婚紗，根本係破壞成個男性化既象徵意義。電影語言唔係靠對白既，畫面都係好重要。講到「電影語言」，依段雖然係最可觀，但本身係成套戲技巧最差既部份（只怪其餘兩段故事太爛，引致依段最可觀）。成段對分鏡同場面調度幾乎亂黎，剪接位又奇奇怪怪，仲未計後期 Mixing有幾差，ADR 差就好心錄過，我求其拎一套中學生既作品，一定會好過依段。第二段《神召男》：依段我睇到有少少發火，無錯，分鏡上依套有好大既改善，但故事既本質上可以直接評為「垃圾」，我從來未見到一部咁混亂既敍事結構，唔好意思，重點係邊？成段故事亂係邊？一時晝面係佢既性幻想，一時係現實既暴力漫畫，一時係家人對佢不公平對待，全段就係依幾個畫面不停 Cross Cut，但同佢最終要殺人既動機不但無關係（特別係性幻想同暴力），更加同佢受神指引無直接關係。好心你地做多少少 Research至寫依個故事，唔好有一個結果就亂作。Cross Cut 仲有一個問題，係「電影語言」上係有用既野，唔係比你亂Cut，你只係將一堆無關係既野亂接，又唔係用緊荷李活果套，更加唔係用緊法國高達果套實驗。我頭腦有幾清晰都好，你套野無重點就無重點。最後好似學人扮血腥片收工，麻煩你睇下日本導演園子溫點拍先，你既血腥部份只係視覺效果，同故事最大關係只係事實，但又無講咩大道理，根本多餘既 Hollywood B Movie情節，唔好扮人地真係改編，事實係一部無意義既垃圾。第三段《Cry 2》：坦白講，上果兩段都想令我走人，但依段係令我想界櫈。一句講晒，無對白唔一定係前衛，你對無對白係垃圾都不如。唔該學人前衛之前，睇下 Maya Deren 或者 David Lynch 點拍先。成段對句說話講完，有個女人比人跟蹤，個色魔強姦完佢之後，佢赤裸上身跑左去馬路。頭果段跟蹤真係又長又悶，無場面調度又唔你 Cross Cut D 咩，跟蹤果十幾分鐘又咩事發生，又係交流，悶到爆炸又浪費人時間，仲要一 D 懸疑感覺都無。人物描寫係無聲片非常重要，但依套野係男主角同女主角描寫上幾乎係無。男主角對女主角既好奇，女主角驚慌同走既心情，其實可以再做得仔細少少。一味係條街度跑，係事實又點，你個鏡頭無好好利用，王璐瑤露點唔係綽頭，佢點驚法至係重點。成個故事好明顯見到個導演對「時間感」完全欠奉，前段拖到無無聊聊，後段亂Cross Cut到連時間線都無左，究竟女主角係 Flash Back 緊定係事實 On-Going 緊？亂七八槽，無重點又唔知你想講咩。唔好以為無對白既片係藝術片，你連電影語言都唔識運用，好心就唔好亂黎，番去睇下唔少電影係點拍。----------總括而言，如果唔識拍電影可以考慮去再進修下，我肯家香港任何一間大專作品好睇過你依三段垃圾。係法國康城播過又點？有真實話題又點？無重點就無重點，唔好學人扮藝術片，當人地睇唔明係人地既錯。好得你依套垃圾，成功再拉低香港電影既形象，真係好多謝你地亂黎，破壞香港電影。

首先，我是欣賞這3齣微電影/短片的。對於各新晉電影追夢者的誠意及水平，我的評分是界乎3.5 至4分。首先，我不是專業影評人，如以下評語中有何失言，請見諒。首先，談一談＜無性界之婚＞。很喜歡前段「女主角」以「男朋友」身份那種矛盾、掙扎、無奈，鏡頭處理亦很有美感和說服力。可惜，當「女主角」遇上真命天子後，戲情推展及拍攝技巧上，變得有點不夠嚴謹、虎頭蛇尾。這一段對白：火柴又好，火機又好，撻得著就得。相當感動。不過「女主角」由地獄（與男友分手）到天堂（認識「男伴侶」）這個轉接位，似乎來得有點唐突。「男伴侶」尤如天上突然降下的天使，似乎太完美吧。不但無條件容納「女主角」變性的內心，更突然主動求婚！我明白，結婚的溫馨畫面令人感動，但假如篇幅有限，我寧願描述深入一點「女主角」的心理轉變：終於可以做返自己，在「他」面前，可以毫無保留，赤裸內心，etc. ... 最後，可能係一個「男伴侶」一句求婚的說話，或者保留這一襲婚紗，然後「女主角」一個感動或激動表情，或者根本講唔到嘢，唔知點答的反應...第二齣，<神召男>。個戲名，改得好。帶出男主角那種壓抑的叛逆。這一套短片，visual 上 impact 好大。最喜歡片中小男孩浸個頭落水的high speed 畫面，亦喜歡片中對男孩成長陰影的刻畫描寫，這是其餘兩齣較「輕」。因為，每一個人，唔會無緣無故變成變態殺人犯。背後總有些原因。欣賞導演、編劇的細心。話明變態殺人犯，咁血腥、暴力在所難免。不過，略嫌後段的漫畫crossover殺人幻想的畫面，重疊得太亂。亦覺得，表達暴力，未必要出動幾噸血漿才行。有時帶點symbolic 的意境手法，疑幻疑真的感覺，反而保留片初及片末那種美感。不過或許我的看法是錯的，因為話明壓抑，咁釋放出嚟嘅時候，應該直接啲嘅。最後，about <Cry2>。欣賞不用對白交代劇情的實驗性！欣賞女主角為藝術「獻身」的專業態度和勇氣！可是，我覺得該片忽略了一個重點，就是無論男主角（強姦犯）或被禁錮的女主角的心路歷程。尤其是前者，他為何喜歡女主角？他是偶然遇上女主角這頭獵物，還是跟蹤了她好耐？為何對野獸這種原始獸性這麼著迷？女主角被禁錮時候，除了感到驚慌，有沒有其他內心感受？回憶？假如你同我講，這齣只是一般的賣肉賣sex的三級片，咁就當我無講過啦。重申，我是喜歡這3齣微電影的。重申，我

第一下就是覺得將來如果他們要爭取婚姻合法化的話，會較明白和支持。另外真的不太明白他們的心理和生理反應，譬如說男同性戀者會喜歡另一半作女性打扮嗎？主角真的愛女生嗎？滿腦子問號。

整套電影, 由3套短片組合而成, 個人比較偏愛第一PART講變性人, 香港電影市場講LES, GAY很多, 以變性人為題材, 感覺很新鮮。主角錯綜複雜的伴侶性向選擇, 令觀眾...有點不明白...就係呢點唔明白, 所以才會繼續反思導演既安排...沒有嘩眾取寵, 刻意露骨既鏡頭......帶出更深層次訊息......

純粹睇海報以為係三級毛片，不過見到獲獎無數，揚威外國電影節及参展過就入場一看。其實由三齣短片組成，(神召男)係真人真事，由於精神錯亂，殺死親人，係一個悲劇。反影香港都有好多忍性精神問題的人，病發起來就一發不可收拾。(變性界之婚)睇完令我更了解變性人的内心世界，佢地比同性戀者更難得到認同。(CRY 2)最有深度，因為冇對白，更加令觀衆要投入角色，那種無助惶恐真令人心寒。要拍這些敏感题才，我覺得新晉導演監製好有胆色，有理想，有堅持。最難得是一点商業味道都没有。香港人性的電影值得讚賞，最有前途的新晉電影人！