韓國電影
電影評論
《 整容液 》媒介影響氣氛
於15/10/2020發佈

睇完《 整容液 》動畫版電影,五味雜陳,覺得劇情上/視覺上/氣氛上都無乜衝擊,甚至乎覺得唔係咁好睇。諗咗好耐,究竟係個故事出錯,抑或係動畫呢一個媒介出錯?套返同一個故事落去漫畫,以睇定格畫面嘅閱讀模式,加上令人不安嘅畫風,畀到讀者好多想像嘅空間,話唔定漫畫版《整容液》真係有如一眾網民所講,好正、好黑暗、好得人驚,只可惜今次動畫版電影畀唔到我以上嘅感覺。

電影評論
《 屍殺半島 》令我諗起最後生還者PartII
於15/9/2020發佈

《 屍殺半島 》令我諗起最後生還者PartII 實在唔怕講,《 屍殺半島 》「同第一集差好遠」嘅評價一早就喺網絡上湧現,香港嘅觀眾都應該有晒心理準備,至於「好遠係幾遠」,好睇你對上集《屍殺列車》嘅感覺。假如《屍殺列車》喺你心目中係一部「神作」,咁,《 屍殺半島 》都幾大鑊。又唔使驚住,我覺得《 屍殺半島 》只係畀《屍殺列車》嘅包袱壓住咗啫。拎開個包袱,《 屍殺半島 》都尚算可以令人接受嘅,當一般 popcorn 動作片嚟睇嘅話。   上集做得好嘅地方喺邊度 《屍殺列車》好睇,好睇在故事扣人心弦。唔似得一般美式喪屍電影以衝鋒陷陣打喪屍為故事主線,著眼於打打殺殺同噴血噴得有幾咁精彩,《屍殺列車》係借幾位主角喺列車上一個咁狹窄嘅環境下求生嘅故事,刻劃人情冷暖,有好多比血肉橫飛嘅廝殺更令人衝擊嘅畫面。《屍殺列車》製作上的確唔夠完善,但贏劇情鋪排,贏氣氛,對於一部電影嚟講,好重要。   今集做得唔好嘅地方係邊度 《屍殺半島》,調返轉,budget 多咗,故事focus 轉咗,導演想講嘅 message 唔同咗(話上一集太絕望,所以今次要多返啲希望),本來都有 potential 可以拍得好好睇;結果,故事規模越大,場景空間越大,劇情反而變得乏味,好想拍一部「猛片」,偏偏唔夠「猛」。《屍殺列車》孔劉、馬東石等等令觀眾有共鳴,相反《屍殺半島》姜棟元、李貞賢同觀眾嘅距離有啲遙遠。男女主角冷面特工上身,槍法如神,但係就未能夠做到有血又有肉嘅感覺,同好多動作片只係得個打字嘅主角無咩分別。劇情上多次想表現出佢哋兩個都有脆弱嘅一面(主要係為咗親情),不過似乎計算得太過精準,公式化劇情鋪排得太過明顯。亦都唔可以唔提,角色與角色之間嘅互動欠缺張力,人類反派有頭威無尾陣,而男女主角喺故事裡面有一個明明好重要嘅「淵源」,可惜無被發展成為「衝突」(當然唔係講打交個一款衝突啦),錯失咗一個可以令男女主角真真正正有意義咁去互動嘅良機。   特效有進步定係退步 《屍殺列車》印象令我最深刻嘅竟然係一開始身體勁柔軟嘅嗰一隻馬(咦,sorry,係鹿啊),翻身嘅動作做得勁靚(唔係講笑,我係真心 impressed),不過另有一幕爆玻璃跌喪屍又假得令我打咗個突。上一集無乜需要用CG,今集《屍殺半島》,重點變咗追逐戰、槍戰,用 CG 嘅頻率高咗(亦都幾高),特效應用嘅好與壞變得更加明顯,例如飛車狂撞喪屍嘅畫面,喪屍唔係血肉模糊,而係,真係有啲模糊。其實韓國電影人處理 CG 嘅技巧係越嚟越好㗎,不過可能去到某啲突破唔到荷里活水平嘅關口,只好用掩眼法去解決問題,咁樣就難逃資深觀眾嘅法眼啦。   令我諗起最後生還者PartII 《屍殺半島》唔可以話係難睇,亦都無令我反感,所有嘢都係中規中矩,只不過缺點比較明顯,結局有啲「出事」(劇情同對白太刻意、情感太浮誇、某個演員嘅演技太⋯⋯出位,氣氛令人難以言喻),然後再畀上一集《屍殺列車》廣泛嘅贊譽拖累,一切一切都無辦法唔令我聯想起《The Last of Us Part II》。一部係電影,一隻係遊戲,兩個末世故事作品都係期待值勁高嘅續集,除咗喪屍/感染者都已經淪為「識郁嘅佈景」之外,亦都因為編導想作出一啲「新嘗試」而弄巧反拙。好彩嘅係,《屍殺半島》劇情上無乜爭議,輸都只係輸「做得唔夠好」而唔係「不知所謂」。   文:靈光

電影評論
《 白頭山:火山浩劫 》經典落幕
於27/12/2019發佈

南韓模仿荷里活 | 好萊塢式的大型製作越來越像樣。對上一次我看南韓出品的大自然災難電影是2016年年底上映的《潘朵拉》,到今日《 白頭山:火山浩劫 | 白頭山:半島浩劫》已經進化到不單純講自然災害,劇情夾雜社會、政治議題,共冶一爐卻沒有失焦。與其說這部電影是災難片,倒不如說是以南韓角度出發,論述朝鮮半島與中美兩國角力的軍事電影。白頭山火山爆發只是導火線,其引爆的政治危機才是最有趣的部分。

電影評論
《 親愛的備忘 》為何總是愛得太遲
於24/10/2019發佈

有些韓國電影善於催淚,卻煽情得過分。《 親愛的備忘 》一樣催淚,但劇情生活化,角色情感流露自然,不需要每一幕戲都大吵大鬧也能引發淚水。電影男女主角是一對老夫老妻,已不怎恩愛,有一個身為博士生、已婚卻竟待在家中無所事事的兒子,也有一段讓人黯然的過去。

電影熱話
《 驅魔使者 》開畫票房No.1 電影5大看點你要知
於23/8/2019發佈

被喻為韓版《魔間行者》的《 驅魔使者 》昨日在香港正式上映,即成為開畫票房冠軍。電影斥資90億韓圜(約港幣6000萬)製作,加上由國民男友朴叙俊聯、殿堂級影帝安聖基和新生代男神禹棹奐合演,成為今期備受關注的電影。到底這部電影有甚麼非看不可的5大看點?

電影熱話
Netflix韓國電影 節 6套原創電影唔只喪屍鬼怪咁簡單!
於22/3/2019發佈

近期準備上映的《炸雞特攻隊》在韓國票房大收,劇情好笑之餘,不少香港觀眾都大讚電影「港產味濃」。其實除了喪屍鬼怪類型的《屍殺列車》、《與神同行》等,韓國電影還有其他多元的題材。以下6 Netflix韓國電影 ,你都看過了嗎?

FIND US ON FACEBOOK
私隱政策
使用條款
免責條款
c655d01