影評
電影評論
《 顫.役.前 》靠演員撐住
於21/9/2020發佈

唔知係咪睇得太多類似嘅電影,當《 顫.役.前 》嘅終極謎底揭開嘅時候,我好冷靜:「哦,又係扭呢條橋。」事前我確實畀預告片誤導咗我嘅思考方向,不過《 顫.役.前 》扭完橋之後,劇情犯駁位唔少,又太刻意想表達政治正確嘅意識形態,可惜表達手法唔夠高明,忽略咗劇情嘅深度。《 顫.役.前 》就好似係《訪.嚇》嘅變奏,但係後者實在好睇好多。

電影評論
《 TENET天能 》唯我獨尊嘅Nolan
於16/9/2020發佈

無呃你,我Physics 好渣,但係我第一次睇《 TENET天能 》就明咗80%,真㗎,事後睇解說,證實我嘅思考方向正確!我覺得觀眾要緊記,一早講到明《 TENET天能 》唔係單純嘅 time travel,而係 time inversion,總而言之電影裡面嘅角色唔可以由一個地點或者空間突然跳去另一個唔連接嘅地點或者空間(即係唔可以好似《Endgame》咁 bomb 一聲由2023年跳咗去2012年咁樣)。唔明淨低嗰20%(而家明晒),係因為成部戲都好急,睇同聽唔切對白,miss 咗唔少 key evidence,《 TENET天能 》確實係一部幾 challenging 嘅電影。

電影評論
《 最後的情書 》可是那然後呢
於16/9/2020發佈

無睇過《你好,之華》,問朋友《你好,之華》/《最後的情書》有無好重要會影響到劇情嘅轉變,答案係無嘅,不過風味真係比較唔一樣,岩井俊二拍《最後的情書》比較得心應手(日本人喺語言同情感表達嘅思路始終係別樹一格)。點解我想睇《最後的情書》,最原始嘅衝動,係想了解庵野秀明嘅演技有無進步(笑)。睇完之後,感受分明,一開始輕鬆愉快,中間有少少壓力,而最後,有感動,有圓滿,亦都有暗湧。

電影評論
《 新異變人 》又唔係話難睇嘅
於16/9/2020發佈

多災多難嘅《 新異變人 》終於上映(要強調,係上映咗),故事竟然係發生喺《盧根》時期,有啲 surprise,而更 surprise 嘅係,本來以為已經斷咗尾嘅一條《變種特攻》電影系列伏線再度蒲頭。當然啦,係咪「假陽性」,都要睇 Marvel Studios 嘅決定同觀眾嘅反應。我自認係一個好理智嘅 X-Men 影迷。《 新異變人 》對我嚟講,劇情、製作或者演出上都無致命嘅問題,唯一問題其實出喺導演身上,想 crossover 超級英雄電影同恐怖電影,最後失敗。

電影評論
《 TENET天能 》別試著理解它,感受它就好
於15/9/2020發佈

《 TENET天能 》神級導演 Christopher Nolan 究竟有幾勁?他的成名作《凶心人》(Memento)(2000)於2017年入選美國國家電影保護局「國家影片登記表」(National Film Registry)。暫時只有兩齣2000年之後的電影能夠入選,另一齣是《斷背山》(Brokeback Mountain)(2005)。「時間魔術師」Christopher Nolan最擅長玩弄時間軸,為觀眾提供一個嶄新的角度去感受世界,帶來非一般的電影觀賞經驗。

電影評論
《 屍殺半島 》令我諗起最後生還者PartII
於15/9/2020發佈

《 屍殺半島 》令我諗起最後生還者PartII 實在唔怕講,《 屍殺半島 》「同第一集差好遠」嘅評價一早就喺網絡上湧現,香港嘅觀眾都應該有晒心理準備,至於「好遠係幾遠」,好睇你對上集《屍殺列車》嘅感覺。假如《屍殺列車》喺你心目中係一部「神作」,咁,《 屍殺半島 》都幾大鑊。又唔使驚住,我覺得《 屍殺半島 》只係畀《屍殺列車》嘅包袱壓住咗啫。拎開個包袱,《 屍殺半島 》都尚算可以令人接受嘅,當一般 popcorn 動作片嚟睇嘅話。   上集做得好嘅地方喺邊度 《屍殺列車》好睇,好睇在故事扣人心弦。唔似得一般美式喪屍電影以衝鋒陷陣打喪屍為故事主線,著眼於打打殺殺同噴血噴得有幾咁精彩,《屍殺列車》係借幾位主角喺列車上一個咁狹窄嘅環境下求生嘅故事,刻劃人情冷暖,有好多比血肉橫飛嘅廝殺更令人衝擊嘅畫面。《屍殺列車》製作上的確唔夠完善,但贏劇情鋪排,贏氣氛,對於一部電影嚟講,好重要。   今集做得唔好嘅地方係邊度 《屍殺半島》,調返轉,budget 多咗,故事focus 轉咗,導演想講嘅 message 唔同咗(話上一集太絕望,所以今次要多返啲希望),本來都有 potential 可以拍得好好睇;結果,故事規模越大,場景空間越大,劇情反而變得乏味,好想拍一部「猛片」,偏偏唔夠「猛」。《屍殺列車》孔劉、馬東石等等令觀眾有共鳴,相反《屍殺半島》姜棟元、李貞賢同觀眾嘅距離有啲遙遠。男女主角冷面特工上身,槍法如神,但係就未能夠做到有血又有肉嘅感覺,同好多動作片只係得個打字嘅主角無咩分別。劇情上多次想表現出佢哋兩個都有脆弱嘅一面(主要係為咗親情),不過似乎計算得太過精準,公式化劇情鋪排得太過明顯。亦都唔可以唔提,角色與角色之間嘅互動欠缺張力,人類反派有頭威無尾陣,而男女主角喺故事裡面有一個明明好重要嘅「淵源」,可惜無被發展成為「衝突」(當然唔係講打交個一款衝突啦),錯失咗一個可以令男女主角真真正正有意義咁去互動嘅良機。   特效有進步定係退步 《屍殺列車》印象令我最深刻嘅竟然係一開始身體勁柔軟嘅嗰一隻馬(咦,sorry,係鹿啊),翻身嘅動作做得勁靚(唔係講笑,我係真心 impressed),不過另有一幕爆玻璃跌喪屍又假得令我打咗個突。上一集無乜需要用CG,今集《屍殺半島》,重點變咗追逐戰、槍戰,用 CG 嘅頻率高咗(亦都幾高),特效應用嘅好與壞變得更加明顯,例如飛車狂撞喪屍嘅畫面,喪屍唔係血肉模糊,而係,真係有啲模糊。其實韓國電影人處理 CG 嘅技巧係越嚟越好㗎,不過可能去到某啲突破唔到荷里活水平嘅關口,只好用掩眼法去解決問題,咁樣就難逃資深觀眾嘅法眼啦。   令我諗起最後生還者PartII 《屍殺半島》唔可以話係難睇,亦都無令我反感,所有嘢都係中規中矩,只不過缺點比較明顯,結局有啲「出事」(劇情同對白太刻意、情感太浮誇、某個演員嘅演技太⋯⋯出位,氣氛令人難以言喻),然後再畀上一集《屍殺列車》廣泛嘅贊譽拖累,一切一切都無辦法唔令我聯想起《The Last of Us Part II》。一部係電影,一隻係遊戲,兩個末世故事作品都係期待值勁高嘅續集,除咗喪屍/感染者都已經淪為「識郁嘅佈景」之外,亦都因為編導想作出一啲「新嘗試」而弄巧反拙。好彩嘅係,《屍殺半島》劇情上無乜爭議,輸都只係輸「做得唔夠好」而唔係「不知所謂」。   文:靈光

電影評論
《 無定向喪心老友記 》故事還好不過對白字字珠璣
於14/9/2020發佈

《 無定向喪心老友記 》係2019年阿根廷本土火紅火熱嘅作品。睇完戲先知佢係翻拍1976年阿根廷出戰奧斯卡但係最後無入圍「最佳外語片」嘅一部 cult 片《Yesterday’s Guys Used No Arsenic》(《 無定向喪心老友記 》命運相同),都係講一個過氣女星想賣走佢間古老大屋,繼而影響到三位同屋老友嘅命運。今次故事四個主角嘅定位分別係「影后」、「影后」嘅「綠葉」老公同埋一手提攜「影后」成名嘅「導演」、「編劇」,成部戲嘅對白都幾乎同拍電影、電影行業有關,自認係戲迷嘅觀眾一定可以從中搵到唔少樂趣。

電影評論
《 致莎瑪︰敘利亞家書 》一套好戲正無聲無息地上映中!
於14/9/2020發佈

*《 致莎瑪︰敘利亞家書 》唔係虛構故事,佢係一套紀錄片*一個大學生本來拍片是為記錄日常,但敍利亞由和平示威變成政權向人民開戰,拍落嚟嘅片段見證政府血腥鎮壓市民,亦都成為一封「家書」,話俾未來嘅囡囡知,佢嘅父母輩點解要留喺屬於自己嘅城市阿勒坡…

電影評論
《 #ALIVE 》喪屍圍城逃生攻略
於11/9/2020發佈

韓國今年有兩齣喪屍電影,分別是票房大賣但口碑頗差的《屍殺半島》,還有贏盡口碑票房也不錯的《 #ALIVE 》,前者票房為三千三百萬美元,後者為一千三百萬美元。雖然《 #ALIVE 》只在韓國公映,但Netflix最近購入了獨家播映權,讓全球影迷不會錯過這齣十分過癮的喪屍片佳作。

電影評論
《 爆怒時速 》未夠驚嚇,全靠影帝挽救
於9/9/2020發佈

關於公路汽車殺手電影,最早可以追溯到1971年Steven Spielberg的處女作《Duel》,香港當年翻譯做《飛車殺機》和《飛車大追殺》,講述男主角在公路獨自駕車時被一輛裝載易燃物品的大卡車追殺,成為了經典,更開創了一個新片種。最近,有兩齣類似題材的電影在香港上映,分別是荷蘭的《憤路狂逃》(Tailgate)和荷里活的《 爆怒時速 》(Unhinged),我只看了後者。二十年前《帝國驕雄》(Gladiator)奧斯卡影帝肌肉男Russell Crowe,如今竟然變成中年肥佬,全靠他的演出,才令電影提昇至合格分數。

FIND US ON FACEBOOK
私隱政策
使用條款
免責條款
256b06c