諜影縱橫

正路到無乜野好評。。。動作場面充足，節奏ok唔悶，不過有d沉重。另外女主角同舊情人有d似樣。4.4/5 （88分）

電影其實平平無奇，Aaron Eckhart又老又唔係打星，好多搏鬥都係鏡頭同燈光將就，甚至乎係替身上陣，動作、槍戰、飛車、爆炸⋯⋯場面都係荷里活罐頭貨冇乜新意！劇情意料之中，不外乎諜網之內有內鬼、爆料、黑幕、暗殺追殺、背叛、出賣、報仇、陰謀⋯⋯扭嚟扭去，故弄玄虛，遮掩唔到犯駁貧血嘅情節，得出一個冇乜說服力、不必認真看待嘅故事。完全唔使、唔好用腦，一看無妨啦。不過好羨慕美國人可以無限次數、不停拍電影冇底線咁抹黑美國中情局CIA，宣稱該組織惡名昭彰，做盡污糟邋遢嘅事：境外不法、踐踏外國主權、暗殺滅口、清除異己、過橋抽板⋯⋯當然CIA絕對做咗好多唔見得光嘅衰嘢，但美國文化界從來不會因為揭發或捏造對中情局以至美國政府不利嘅消息，而遭到懲處，反觀今日嘅東方荷里活遺址，冇人敢公開反對23條立法、冇電影夠膽揶揄執法部門、冇政治漫畫諷刺政府及政策、冇人權可以約束國安法或國安處、冇創作質疑國家安全係唔係真的受到挑戰，我哋只剩低恐懼嘅自由同埋躺平不作聲嘅權利⋯⋯