天堂小屋

以下是我對這套戲的評語：我覺得套戲是不俗和感人，導演處理得好，雖然這套是如  天堂奇癒記 Miracles from Heaven 和 真的有天堂 Heaven Is for Real這種以基督教信仰來作藍本來創作的片，但出來的效果也是感動。他可以描寫出這個因失去女兒而迷失和自責的人在一次奇遇中對這件事有新的感覺和找到走出傷痛的路。我覺得導演在描寫和捕捉男主角這種痛和在這個奇遇中的情感變化是不錯。可以觸動到觀眾的，而如果是基督教徒的話，這套可以令你感覺到基督教的本質和耶穌基督的愛和這種力量。我覺得如果沉默是令你沉重的話，這套卻是可以令你有所開懷的。而角色方面，森禾霍頓的演繹是不錯，情感位的掌握是準，這樣又証明有時小品的發揮空間可能比大片為多。

電影感人，令人反思人生及宗教信仰

我信耶穌讀聖經30年返教會廿幾年，齣戲冇咩新啟發，都係叫你唔好judge要寬恕。主角個turning位，最接受唔到有2個：1。壞事唔係God做，係另一evil free will做，所有壞事唔關God事，God只係補；2。Wisdom用仔女講大話脾氣差同殺女兇手比，大阿主角唔好judge。（冇任何成長經歷可以合理化唔使judge連環殺童行為）如果我係主角，我會拒絕judge我仔女壞脾氣講大話，仍然會judge個兇手。因為你畀judge位我坐我咪咁judge囉。如果個仔都殺咗人，咪都判佢落地獄囉。

個小朋友就咁比變態佬捉左，常人點會無事⋯⋯

今日去左睇呢套戲,題材好特别,雖然係小説改編,但我未睇過原着,所以覺得好特别。 套戲裡面嘅信息好好,好值得去思考,對於信仰有懷疑嘅人,應該去睇下呢套戲,好多有關信仰嘅問題,呢套戲都可以解答倒。 呢套戲我係覺得好好睇,好鍾意套戲裡面嘅信息,套戲吾會覺得悶,套戲適合好多人睇,吾淨係適合基督徒睇,冇宗教信仰嘅人可以入場睇下,認識下基督教嘅信仰。 我自己係—個基督徒,睇完套戲之後,—D有關信仰嘅問題可以解答倒,對於信仰上好有幫助,我好推介各位去睇下呢套戲。