大濛

4.3⭐一套各方面都非常出色嘅作品，編、導、演、攝影、剪接、美術、服裝、…..等等皆出色，能講好一個時代嘅感人尋兄故事。電影雖然係一個悲傷故事，但並無刻意賣弄慘情，反而絕大部分時間以生動、輕鬆又帶少少黑色手法去講故事，睇得輕鬆又有趣。男女主角方郁婷同柯煒林演出不俗，能演活角色，赢得觀眾憐愛及同情，為其遭遇而擔心/緊張。整體電影完成度高，故事劇情豐富，具質感，富感染力，係一套入到心嘅電影，值回票價，推薦入場！👍PS. (含劇透)• 最後男女主角醫院偶遇比較牽強咗啲啲，機會率雖然未至於零，但係咁樣寫佢哋重遇好似馬虎/簡單咗啲• 趙公道同黄秋月醫院相遇後其實又冇乜必要粒聲唔出走咗去，吹下水 keep in touch 都得啫 😅• 趙公道年紀應該比黃秋月大唔少，但最後醫院相遇果幕柯煒林個老妝似乎唔夠老，睇落重後生過老年黃秋月• 飛天賊劉冠廷個角色有啲無謂/突兀，似工具人，可有可無，純粹特別演出，冇呢個角色電影整體更工整• 呢兩、三年對台灣片嘅信心已盡失，呢套嘢從谷底挽回返少少 😅

很喜歡導演說故事嘅手法，Will Or 及 方郁婷演得出色，令觀眾更入戲！ God bless Will Or speedy recovery, 拍更多好戲給觀眾欣賞！

電影發生在台灣『白色恐怖』的1950年代，一個14歲農村女孩阿月(方郁婷)由嘉義隻身走到台北，去認領被槍斃哥哥屍體的故事。旅途中遇上人口販子，被好心的三輪車夫趙公道(柯煒林)所救，公道最後卻被特務拿下，生死未卜。電影的名字，寓意一滴水珠想變雲卻成霧的童話故事，水珠本想變成雲，雨灑大地為民所用，最後卻只能變成霧而消失於大地。電影本來是一齣沉重的劇情片，但導演注入了很多幽默的情節，令觀眾不用太負擔地去看電影。電影中有殺人如麻的特務頭子，俠盜高金鐘，無良人口販子，阿月相認的美麗姐姐，交織成一部有血有肉，有劇情有民情，反影上世紀50年代台灣社會生活面貌的電影。主角柯煒林表現出色，演活了一個樂天知命，儍裡儍氣，逃難到台灣的廣東士兵，基本上為人正直善良，但在亂世也有自疚的陰暗面。（這裡祝願柯煒林早日痊愈，從投影視懷抱）；女主角方郁婷，不惜曬黑是去演活只有14歲的農村姑娘，單人匹馬勇闖龍蛇混集的台北，沒帶夠錢也要去認領哥哥的屍體。單單她那份勇敢，對哥哥那份執著的愛，就已令人動容。電影的催淚點是60年後，台灣解禁了，阿月找回自己規劃的人生，從回學校唸書，以教師為職業，結婚生兒育女，安享晚年。一次和孫女去醫院睇病，意外地重遇已年過80的趙公道，他沒有被槍斃，卻被監禁了廿多年。那份相隔一個甲子之情誼，已令觀眾淚如雨下。

呢部電影最成功嘅地方，係佢選擇唔用強烈嘅方式控訴歷史，而係溫柔地集中係恐懼中掙扎嘅靈魂。呢個係一首關於相遇嘅悲歌，佢話俾我哋聽即使係最黑暗嘅時代，人與人之間嘅善意同連結依然如同迷霧中嘅微光。電影透過極簡單嘅敘事，留俾觀眾去感受嗰種無聲嘅抑壓同溫暖。呢套唔係一套關於歷史嘅作品，係一套關於人嘅作品。我們如何成為彼此生命中嘅風景同埋如何喺混亂中守住嗰份最純粹嘅惻隱之心。

在沒有做任何功課下入場觀賞，每個地方都有黑暗時代，一個黑暗中相遇的故事，好睇！

先讚佈景，橫街窄巷的場景好有時代感 。加上人物做型都加分 。為了生活，偷呃拐騙都是常態 🥲進展有點慢，就連雲霧的比喻都長得要命 。自己沒有在台灣戒嚴時期出現過，投入感的確比「我們」差很多，有些橋段都幾不明所以。不過都可以賴到在編導身上 。明白Will沒有得到影帝的原因，主線不在他，有部分複雜的心情都未有機會表演到 。