電影熱話

【 MOVIE6 熱話 】《 逆向誘拐 》電影製作日記(三)拍戲唔簡單

廣告:

-拍攝第二日- 20161023
I'M:朝早我哋嚟到中環贊善里一間叫「微熱山丘」嘅餐廳,聽講佢哋出產嘅鳳梨酥好似好好味㗎~ 不如講番重點?

                            靈光:好!今日故事最關鍵嘅12位演員都喺晒到喇~
I'M:真係超人齊! 
                            靈光:呢一日除咗係拍街景,仲係影硬照嘅日子,電影海報都應該喺同一日拍埋。大熱天時,個個着長袖衫擺 pose,睇都覺得好熱,但係演員係專業嘅!
I'M:拍攝其中一個鏡頭要所有人都喺鏡頭前俯視向下望,而呢個鏡頭都要hold住差唔多十五分鐘,眼見佢哋大汗揼細汗,泰臣直頭倒水咁😂加上天氣比較焗熱,真係好辛苦~ 
                            I'M:佢哋一邊食仲一邊有講有笑~感覺好似同班frd食緊大排擋咁~
靈光:拍戲唔簡單之今日有一場一鏡到底嘅追逐戰,由贊善里跑入後巷再衝出去大街。拍呢場戲好重要,有好多嘢要準備,包括不斷嘅採排,要清場封晒所有死角,演員進出嘅時間要夾得啱啱好,一有穿崩位就要重頭嚟過! 
                             I'M:我哋不斷左閃右避,確保拍到花絮之餘我哋都唔會入到鏡~導演見我哋閃嚟閃去就建議我哋不如入其中一間cafe坐低飲杯野(其實應該係唔想我哋阻住拍攝啫😂~)
-拍攝第五日- 20161028
靈光:拍戲唔簡單之如果冷氣機太大聲,roll 機嘅時候當然要熄冷氣。呢一日嘅拍攝地點係中環其中一間 service apartment,因為工作人員眾多,拍攝環境比較窄,人來人往,一閂冷氣就開始好緊張,即刻流晒汗,又唔可以出聲,好大壓逼感!

                            
I'M:無錯,真係靜到連透氣都唔敢太大聲,製作團隊好好,推出木箱畀我一邊坐一邊拍(其實佢哋係唔想我阻住拍攝乍...)
                            
I'M:身旁嘅工作人員本身拎住個電風扇吹緊佢自己,突然之間吹向我,好感動,焗熱之中亦有一點涼風😌(其實我係咪真係諗多咗?)

靈光:講返拍攝嘅情況,每一個鏡頭好仔細,就連一個熱水壺擺左啲定擺右啲,有無蒸氣噴出嚟都要執。拍完要即刻問收音師姐姐啲聲得唔得,唔得嘅話又要再拍過,一啲都唔簡單!最後 keep 啲咩片段,之後會點剪,就要下(幾廿)回分解喇。

                            
靈光:今日終於同蘇麗珊傾到計。我哋派咗一位同事去主動接觸蘇麗珊,因為呢位同事經常聲稱自己係蘇麗珊朋友,原來係真架喎XD

                            
I'M:好啦~我哋信你喇~同事嘅互相信任就係咁建立嘅~
靈光:多謝蘇麗珊對 Hong Kong Movie 香港電影 嘅支持,佢都係忠實用戶~

I'M:本身想同佢做個訪問同影張相,但係拍攝 schedule 太緊迫,好快又要清場,我哋唯有下次再同佢傾計啦!

(係唔係真係有下次㗎?)

 

按此重溫《 逆向誘拐 》電影製作日記(二)

文:靈光

https://www.facebook.com/huxtin/

靈光一閃,正在尋找《光影星碎》後的《生死幻願》。

文:I’M

每套電影總會有一句對白打進自己心裡。

I'M 泰臣 蘇麗珊 逆向誘拐 靈光