電影評論

《唱Opera的保羅》Opera嘅震撼

廣告:

唱Opera的保羅絕對係一套勵志而感人嘅真人真事電影,劇情主要講述保羅(Paul Potts)喺2007挑戲(全英一叮)前種種唔如意嘅成長經歷,最終當然係排除所有萬難實現佢嘅偉大歌唱夢想。

保羅自細可以話係俾人恰到大,所以係呢一個惡劣環境底下成長當然會欠缺自信,而且每次表演都好黑仔實會出現意外,但上天對他其實不薄,俾佢擁有一把超級靚嘅歌聲,而且仲有佢嘅媽媽、女朋友、朋友等等支持,令保羅可以踏上真正熟於佢嘅舞台,保羅嘅一開口足以令我打哂冷震,之前未正式聽過Opera嘅我覺得好震撼。

整套戲都演繹得唔錯,而且由一個平凡人變到不平凡嘅故事非常感人,當中真係唔小感動位。 而保羅仲喺2012年,被英國皇室獲邀參與100週年表演,真係非常難得。而且最羨慕就係保羅擁有一個會支持佢、明白佢嘅女朋友。

7/10

文:waterqq  

Just a man who loves movie.

waterqq