電影節

第二屆「平地學生電影節」 Part 1

廣告:

第二屆「平地學生電影節」姍姍來遲,終於趕在暑假面世。今屆一分為二,首部份將一連數天於土瓜灣牛棚藝術村舉行。

繼續沿用首屆選片方法,在百多份投件中,平地映社成員首先選出二十部值得討論的作品進入次圈,再由二十人的選片團隊,包括映社成員、義工、上屆導演及大專電影學會的成員等,經過共同觀看及討論,最後票選出十套來自本地大專及中學的學生作品,紀錄劇情實驗動畫,愛情倫理成長政治,各有代表

然而,這十套作品都不能夠總結一年來學界電影嘅成果,遺珠總在滄海尚待大家發掘。平地映社當係每年搞場衛生波,不設獎項和排名,旨在互相切磋切磋,今屆更嘗試拉闊作品嘅地域,精選五部來自台灣、中國及澳門嘅學生作品,與本地作品一同放映,並請來導演前來親身分享,旨在互相交流,認識他方的影像教育生態。回顧遺珠,發掘歷年具意義的學生作品,今屆亦首辦專題放映「異鄉本地薑」,以本地南亞裔族群為題,選播三部學生作品。

放映以外,襯著海外導演來港,併湊出專題講座「留學生手記」,幾位同樣曾求學他方嘅的海外和本地創作人,將分享人在江湖身不由己嘅段段故事,回應近年本地學生留學台灣嘅趨勢,讓考慮出國學習的同學參考;另一講座「有獨立就無點擊 ?亦回應近年Youtuber浪潮,請來幾位Youtuber與獨立電影導演battle,探討獨立電影與Youtube影像嘅種種關係,究竟是對立還是共生。

唔只得把口,落手落腳嘅節目陸續有黎。今屆新設工作坊Shitty Rig 內功心法真傳「收音靜靜仲有咩」,傳授土法練鋼嘅拍攝方法,分享聲音設計與配樂嘅微妙心得;當然唔少得好受歡迎嘅「道具地攤」,今屆以威力加強嘅姿態回歸,將會公開招攤,更請來業界與學界嘅美術部朋友現身擺檔。

踏入九月開學天,電影節進入「Part 2」 back to school 巡禮,「中學、大專院校放映」將本地作品及作者帶回院校,與莘莘學子吐下拍片苦水或甘甜。無論同學是有志於影像創作,還是純粹想睇戲,都是目標觀眾。

學生作品有他獨有的靈魂,碰撞交流而引發的火花,璀璨之餘,或可燎原。

場地: 牛棚藝術村 ─ 九龍土瓜灣馬頭角道63號

放映節目

放映節目一:好奇Shin|君のことが好きだから|每次見面都像是告別|暉哥(香港/中國/台灣/96’)
放映節目二:小說無用|未定|尋找張子岱(香港/澳門/68’)
放映節目三:夕陽之後|禁止下錨|空氣蛹|eve (香港/台灣/90’)
放映節目四:Karl|我們一起離開吧|若男|出遊(香港/台灣/93’)
學生影像馬拉松:所有本地入圍及海外作品 (香港/台灣/中國/澳門/347’)
特別放映-異鄉本地薑:泊兒泊兒|阿里的故事|暉仔(香港/61’)

作品簡介:https://goo.gl/Pd461y
詳細節目介紹及時間表:https://goo.gl/S57EOi

*所有放映節目設映後談,「學生影像馬拉松」除外
*免費入場,歡迎捐獻,收入將作籌備下屆電影節之用

Shitty Rig 內功心法真傳 土瓜灣 平地學生電影節 收音靜靜仲有咩