電影評論

《變形金剛:殲滅世紀》強勁特技   

廣告:

經過上一集狂派同博派展開黑月之戰後, 芝加哥幾乎被夷為平地. 而今集美國政府誤信野心超大嘅科學家為左可以得到地球永遠嘅安全, 不惜追殺地球上曾經幫過人類嘅博派, 真係反轉豬肚就係屎! 幸好柯柏文Yeager一家拯救了(Yeager係一個電子垃圾嘅發明家XD), 接著博派亦為左報答Yeager一家救命之恩就展開左一幕幕驚險嘅旅程, 希望再一次拯救地球.

而中段會慢慢開始知道果個科學家正在研究緊新版變形金剛, 希望製造出嚟保護人類, 但點知製造出嚟嘅變形金剛被麥加登感染咗, 當然就係不受控制仲同博派打起上嚟啦.

而片中最令我覺得新鮮當然係香港拍攝部份, 因為始終係一個熟悉嘅地方所以會好有感覺, 但當中亦有啲攪笑嘅地方, 好似香港無啦啦會有架空嘅輕軌…或者太平山後會有一個深山(應該係內地嘅山區)等等, 但外國人睇應該唔會覺得有問題.

而今集嘅動作畫面真係好正, 但就唔好對入面嘅劇情太過認真, 因為有少少簿弱. 而到結尾, 改良版麥加登企咗係太平山話會再返嚟, 唔知導演係唔係想留條尾做下集? 但點都好希望下集會加好睇啦!

 

7/10

  文:waterqq  

Just a man who loves movie.

 

 

waterqq