電影評論

【 MOVIE6 影評 】《 大叔的愛 :LOVE or DEAD》用最荒誕的故事講最純愛的故事

廣告:

《 大叔的愛 :LOVE or DEAD》用最荒誕的故事講最純愛的故事

利申:本人十分鍾意《 大叔的愛 》呢部電視劇。

係呢個時代,《 大叔的愛 :LOVE or DEAD》係可以幫助抽離一下陰暗的情緒,真真正正做到係戲院逃避現實的感覺。我睇果場的氣氛超好,大家不但開懷大笑,有唔少位更加笑到拍哂手掌。老實講,見到加入兩個來亂的新角色,又玩失憶又玩爆炸,入場之前的確有啲擔心會玩爛咗,點知德尾浩司老師不斷玩新花款,去講情侶間的相處。

 

 

一睇田中圭用更加浮誇的表情去演繹替春田田呢個角色,就知道電影版會行更加浮誇的路線;正正因為咁,畀未睇過劇集的觀眾知道呢部戲的定位,調整完期望之後,後面有幾瘋狂無理的浮誇劇情都會變得合理化。而作為有睇劇的粉絲黎講,更加會搵到無限的彩蛋,並唔是只重覆舊劇情,而係轉化而有新鮮感。影友提醒,其中一個千珠的「統一天下」論,更撈埋田中圭的綜藝梗。

 

 

雖然一直強調大叔部長係女主角,但真真正正的女主角其實係牧凌太。電影則用最瘋狂的方法,講一個最純愛的故事,在熱情之後,究竟如何去經營一段感情。

究竟愛情、結婚是一個怎樣的概念,在愛情之中,個人同伴侶之間,又應該如何去平衡。當兩個人不能誠實地面對自己的時候,又點樣去面對身邊的人呢?因此,當看見牧的落寞的複雜表情時,又怎麼不會覺得心折?牧凌太究竟有幾膽小,先一次又一次咁要去做愛情中的悲劇角色。這個不關性別事,而是作為一個人,如何爭取自己想有的幸福。當兩人願意面對對方的那一幕,異常地感動,兩人的表情,

 

 

除了這對被稱為平成年代最後的最佳CP之外,讓我關注的仲有蝶子同歌麻呂的愛情,性別是障礙,年齡也許也是,更大的障礙其實是受過傷的蝶子,如何能鼓起勇氣去接受另一份有可能發生的幸福。(當然主任的悲慘同果一腳都係好重要)

 

 

港產片:唔該你爭氣啲啦

本片於香港取景(無上海嘩哈哈,仲要串大陸公司、最後港人救駕,正!),同早幾個月公映的《信用欺詐師JP香港浪漫篇》一樣,將最地道的香港一面呈現畀世界睇。

今次的《大》,更加像韓片《炸雞特攻隊》一樣,傳承90年代港片元素又加入自己的特式,無厘頭又有動作場面,最後又能夠串返起純愛的主題,說真的,很高手。再睇返依家的港片,連其他國家拍的都比港片有港片味道。

 

文:張山地

3.9
大叔的愛:LOVE or DEAD
587 69
大叔的愛 山地 張山地 影評