電影新聞

 【 MOVIE6 新聞 】DO姐霸氣領軍配音《 無敵破壞王 2:打爆互聯網 》

廣告:

DO姐霸氣領軍配音《 無敵破壞王 2:打爆互聯網 》

破壞王返嚟啦!新一集《 無敵破壞王2:打爆互聯網 》將會走出傳統機舖街機,向刺激好玩的網絡世界出發!由預告片可見,今集其中一個最大驚喜係勁多彩蛋,而本地觀眾更會額外獲贈香港限定獨家彩蛋,就係最有江湖地位、最爆人氣、最龐大的廣東話聲演陣容!由Do姐(鄭裕玲)霸氣領軍,率領全港一眾網絡紅人KOL開聲力撐,包括杜小喬、Hana小花譚杏藍、Jason 大J、屎萊姆、屎嫂程程和Miss Hunny,完全配合今集電影中不停穿梭的一個個人氣網站和網絡紅人,仲有游學修和袁澧林幫口,更特別邀請了糖妹和蘇麗珊再度聲演《魔雪奇緣》的安娜和《魔海奇緣》的慕安娜,全力為本地觀眾帶來前所未有的貼地新鮮感,為大家帶來一個笑到有腹肌的開心聖誕!到時全城熱話破壞王,唔睇真係冇話題!

 

Do姐霸氣聲援破壞王 入型入格化身最爆網紅得姐

Do姐霸氣聲演的爆紅網站BuzzzTube話事人得姐,有型有格,極具江湖地位,經佢一手提攜的KOL一定爆紅,今次破壞王有佢幫拖,玩轉互聯網完全冇難度!Do姐笑言得姐這個角色與自己十分相似:「大家都係眼光獨到啦!今次佢就睇中破壞王!仲有得姐造型百變,髮型衣著日日新款,同我一樣咁鍾意Shopping!」Do姐更大讚今集破壞王劇情非常豐富,佢都睇得好開心,呼籲大家一定要入戲院捧場!

Do姐

 

游學修LIKE爆破壞王 代入角色自薦聲演閃電手阿修

第一次為動畫配音的游學修,原來今次是自薦聲演閃電手阿修!「因為我非常鍾意第一集,而且好代入阿修呢個角色,好似嗌緊自己咁!於是我就夢想如果電影有續集,我一定要自己爭取聲演阿修!」游學修認為配音與演戲最大分別在於今次完全是用聲音去講故事,比演戲誇張好多,情緒起伏較大,幸而配音現場有專人指導,令佢獲益良多,更加信心十足,相信觀眾一定會滿意佢嘅表現!

游學修

 

袁澧林由細到大最愛迪士尼 客串配音夢想成真超開心

袁澧林Angela話自己細個第一部睇的動畫就是迪士尼,多位迪士尼公主都是她的至愛,所以今次可以為迪士尼動畫配音,Angela覺得好開心、好榮幸!見到電影中的迪士尼公主大晒冷彩蛋更加萬分驚喜,「有我最鍾意的愛莎!仲有灰姑娘、白雪公主、茉莉公主,如果有埋阿拉丁就好啦!」Angela今次客串聲演三個角色,包括「甜蜜大冒險」的車手塔芙娜、「撕殺賽車」煞姬的拍檔費隆妮,以及Pop Up 廣告會大叫「你中咗大獎!恭喜你呀!」的女仔。首度為動畫配音,Angela感覺新鮮,「聲演同平時拍片最唔同在於配音可以好放、好誇張,好似做埋戲一樣!」

袁澧林

 

超強陣容 全港網絡紅人KOL首度同場 開聲力撐破壞王

在Do姐領軍之下,全港一眾網絡紅人KOL一呼百應,首度同場出現,一齊開聲力撐破壞王,包括杜小喬、Hana小花譚杏藍、Jason 、屎萊姆、屎嫂程程,以及Miss Hunny!他們每人都會客串聲演幾個不同角色,大家都覺得相比平時自己拍片,配音工作別具挑戰性;更會率先為觀眾預告電影中將會出現的彩蛋,預祝大家今個聖誕「笑到有腹肌」!

杜小喬

 

一眾KOL首度配音各有心情

娘娘杜小喬今次分別聲演兩個車手角色,她笑言兩個角色都比較暗黑,與平時的自己很大分別,所以今次的配音工作好有挑戰性!而第一次配音比她想像中心情更加緊張,體會到「喺一個無聲環境中要創造一把聲出來真係唔容易!」而Hana小花譚杏藍首度為由細睇到大的迪士尼動畫配音,表示心情既緊張又開心,慶幸配音現場有好多朋友幫手,總算順利完成!至於第一次為動畫配音的屎萊姆,覺得好新鮮、好好玩、學到好多嘢!見到角色配上自己把聲,感覺好興奮!佢話平時自己拍片好freestyle,今次要配合角色夾準口型,是一次非常特別的體驗!而平時玩開變魔術的Miss Hunny,第一次為動畫配音都覺得好好玩,但又好高難度!Miss Hunny 話平時自己做開創作,今次就要跟住別人的故事去演繹,呢種體驗好新鮮!

Jason

 

預告彩蛋 千祈唔好走漏眼

講到電影中的彩蛋,除了預告片已經見到的迪士尼公主大晒冷、鐵甲奇俠、咿唷等之外,Jason 特別推介佢最鍾意的《星球大戰》千歲鷹、R2B2和白兵;Hana小花譚杏藍就提提大家一定要落足眼力留意巴斯光年、小飛象和Tsum Tsum!

KOL瞓身推介「笑到有腹肌!」

最後,如果要用一個網絡用語形容呢部電影,屎嫂程程話「沒有之一!有咁多迪士尼角色客串,一定係『沒有之一』啦!」;Jason 就話:「LOL!Laugh Out Loud!笑到有腹肌!」

4.0
無敵破壞王2:打爆互聯網
3073 145
無敵破壞王 2:打爆互聯網