電影新聞

【 MOVIE6 新聞 】一星期極速度身訂造電影主題曲 《 女皇撞到正 》破 ToNick 最快紀錄

廣告:

一星期極速度身訂造電影主題曲 《 女皇撞到正 》破 ToNick 最快紀錄

繼去年《 救殭清道夫 》主題曲〈 長相廝守 〉熱爆後, ToNick 再次與導演甄栢榮合作,為其即將上映的電影新作《 女皇撞到正 》創作主題曲,早前 ToNick4 子到鯉魚門沙灘,為主題曲〈你好〉拍攝MV。

4子說,甄導演早前誠意邀請ToNick提早觀看《女皇撞到正》,4子看畢後深深被感動,靈感湧現,馬上答應為電影度身訂造主題曲,恆仔更在戲中飾演一角。ToNick對電影讚口不絕,他們在電影中抽取了思念的元素而寫下主題曲〈你好〉:「我哋每日見到朋友都會講『你好』,『你好』包含咗很多意思,即使愛一個別人,唔一定要擁有佢,只要知道你好就得啦!電影比到好大感覺我哋,我哋傾完一轉,返去消化完,去到band房大家都好有picture,感覺好好,係作品刺激作品的例子!」

甄導演說半推半迫半擺兄朋弟情上枱,才成功令ToNick寫歌。ToNick笑說:「當年ToNick第1個MV就係甄導演執導,加上恆仔同甄導演識於微時,我哋3個同恆仔又識於微時,咪即係同甄導演微於微時,邊有得計呢!」被問到希望導演下次拍甚麼類型電影,讓他們創作配樂,ToNick搞笑地說:「開套戲講夾band囉!最好拍我哋!」仲連戲名都幫手想好:「叫《搖滾清道夫》、《搖滾撞到正》⋯⋯好多ideas呀,導演靠晒你啦!」

4.3
女皇撞到正
766 236
ToNick 女皇撞到正 救殭清道夫 甄栢榮 長相廝守