電影新聞

【 MOVIE6 新聞 】《 逆流大叔 》於紐約亞洲電影節舉行世界首映禮

廣告:

《 逆流大叔 》於紐約亞洲電影節舉行世界首映禮

由馬偉豪、廖婉虹監製,陳詠燊執導,吳鎮宇、潘燦良、黃德斌、胡子彤、胡定欣及余香凝(Jennifer)等演出的龍舟電影《 逆流大叔 》將於8月2日暑假期間上映,由一班「大叔」為炎夏帶來活力!

導演陳詠燊日前便與Jennifer代表《 逆流大叔 》,到美國出席紐約亞洲電影節活動。電影亦於香港時間今早九時在當地舉行了世界首映禮,現場全場爆滿,觀眾反應甚佳,大讚電影寫實及勵志,令人看得產生共鳴。

《 逆流大叔 》是今年紐約亞洲電影節中壓軸登場的香港電影;亦是競賽電影中唯一一部香港電影,所以於當地備受矚目,甚受期待。作為電影節的重點推介電影(Centerpiece),導演陳詠燊謂:「紐約亞洲電影節入面嘅重點推介電影,通常係除咗開幕及閉幕電影外,最受矚目嘅一套電影。當日我知道呢個消息後都有啲受寵若驚,不過頭先首映禮放映後,見到現場觀眾反應好好,我先放下心頭大石,亦都為電影下月喺香港上映打咗支強心針。」

Jennifer表示很開心見到觀眾在放映後的反應甚佳,對電影分享了很多睇法,她說:「可能電影對觀眾嚟講有唔少共鳴位,見大家喺放映後嘅問答環節都好踴躍。」Jennifer又坦言自己亦是首次觀看《 逆流大叔 》,自己亦被電影感動:「我一路睇一路諗返大家扒龍舟嘅戲份,拍攝嗰時真係幾辛苦,但係我地好享受大家一條心,即使幾攰都好都會一直撐落去,扒落去嗰種感覺。」Jennifer又笑言這次美國之行其實甚為「驚險」,她說:「因為我係第一次去美國,預辦簽證嘅時間唔係咁足夠,搞到係上機前一日先拎到美國簽證,不過總算有驚無險。難得有時間過到嚟紐約,我完咗電影節嘅活動之後都會喺度遊覽多日,休息下先返香港繼續工作。」

《 逆流大叔 》由天下一電影發行,天下一電影製作有限公司、香港電影發展基金、品今天下影視有限公司、宇鯉影業有限公司、大名娛樂有限公司出品,莊主電影製作有限公司及框格音樂事務有限公司聯合出品,將於 8 月 2 日全港公映!

4.4
逆流大叔
1675 336
逆流大叔