電影新聞

【 MOVIE6 新聞 】《 狂獸 》水底廝殺 全亞洲最大水底攝影廠 X 10米深大水池連拍50日 張晉、余文樂互封「巨肺王」

廣告:

《 狂獸 》水底廝殺 全亞洲最大水底攝影廠 X 10米深大水池連拍50日 張晉、余文樂互封「巨肺王」

由太陽娛樂文化出品、張晉、余文樂兩大男神主演動作鉅片《 狂獸 》將於11月23日公映,《狂》片焦點之一落在深海奪金戲一幕,今日電影公司發佈之全新製作花絮「水底廝殺」中,打得又睇得的張晉和余文樂終於要面對水底場口的挑戰,但水中打戲不止要考慮水的阻力,還有演員的體能,難度之高遠比肉眼可見的高。

張晉不懂潛水,更是出名怕水:「想像不到原來在水底拍戲是那麼辛苦,而且是沒有氧氣瓶在打鬥,係好大嘅挑戰!當我落到水中,因為係深不見底,連燈光都睇唔見,四周漆黑,淨係聽到水泡的聲音。我要喺冇人幫助嘅情況下,我可以維持幾耐先上水,要完成導演嘅動作之外,仲要交戲!」

水底這一場戲,其實分開了在很多不同的角度拍,張晉表示:「劇組需要找一個非常大,像海一樣大的水缸,所以全組特地到無錫全亞洲最大攝影廠連續拍攝50日,每日無間斷深潛到水底實拍實打,係我拍電影以來最大挑戰!好彩每日水醫生駐場,等我可以安心落水!」

對於余文樂而言:「拍攝《狂獸》不像傳統動作片那樣順利,《狂》片對力量的要求非常高,要做到拳拳到肉,大家都少不了受傷,觀眾看到的傷痕很多都不用化妝,非常真實!」樂仔透露打鬥時更是特別辛苦:「水底打鬥充滿變數,喺水底攝影廠拍攝時候好多不穩定因數,為設計最精準動作場面,動作導演志叔(李忠志)同我地不斷試位、調動鏡頭,真係未正式拍攝已經好似落咗水咁成身濕哂!個攝影棚仲要成10米咁深,深不見底,我就日日不見天日,落到海自己顧自己!大家入戲院可以見到我地水、機械、氣氛、落雨同特技種種加埋嘅成果,我都以喺《狂獸》呢個團隊為榮!」

有關《狂獸》
《狂獸》以兄弟相殘為主題,並且以人心為創作原型,寫他們群雄爭金的對決;講述重案督察西狗(張晉 飾)於荒廢漁村發現偷運黑市黃金的歹徒江貴成(余文樂 飾)及其手下,爆發激烈槍戰,東身受重傷!貴成及手下帶黃金離開,汽車竟發生大爆炸,貴成僥倖生還,誓要查出策劃暗殺的真兇!另外,東因重傷昏迷三個月,醒來後發現拍檔阿DUCK(吳樾 飾)為追查貴成等人,混入漁民走私集團當臥底,近日離奇失蹤,東不惜破壞情報科廢SIR(林家棟 飾)監視避風塘的行動,捉拿老漁民水勝(太保 飾),迫問阿DUCK的下落!各人的故事最終發展如何?

狂獸