電影熱話

【 MOVIE6 熱話 】《 逆向誘拐 》 電影製作日記(五) 一百人臨時演員招募一週年

廣告:

《 逆向誘拐 》 電影製作日記(五)一百人臨時演員招募一週年

– 拍攝第四日 –  20161111

問: Janis H.

答: 靈光 、 I’M

Janis H.:查實你兩個係做咩㗎呢?

靈光:我哋唔算係拍攝《 逆向誘拐 》製作特輯嘅,但就跟足導演全程做宣傳咁囉~

I’M:嗰次一百人都係我哋招嘅,全部都係 Hong Kong Movie 嘅用家。我哋睇住大家拍嗰場戲,其實就係跟住隊 crew,佢哋拍緊我哋就拍佢哋拍緊嘢。

靈光:嗰日包咗三班船,所以成個拍攝過程都要係三班船時間完成,如果唔得就 bye bye。用盡哂三 take,出三次拍三次,好緊張,如果 miss 咗任何嘢要拍過就好麻煩。

Janis H.:上年11月11日嘅感受係⋯⋯

I’M:其實係好感動嘅,因為我記得出席率好高,即係登記咗嘅人都有嚟囉!雖然佢哋唔知要做咩但係都嚟 XD

靈光:有一場戲喺渡輪上面嗌口號,另一場就係喺碼頭衝出去五枝旗桿,再衝返入去碼頭。

I’M:佢哋又衝又嗌口號,真係好投入。我最記得係有個女仔跌親,後面個人就話「加油啊!起身做埋佢啊!」好彩佢冇大礙。時間過得好快,冇諗過咁就一年。我哋間唔中都會諗起《 逆向誘拐 》……

 

Janis H.:一百個人都係揀出嚟?

靈光:唔係㗎!我哋來者不拒㗎 XD

I’M:有就要有就要!

靈光:同埋我記得真係多過一百個人報名㗎,出席率都有九成,最後得幾個人冇出現。

Janis H.:途人嘅反應係⋯⋯

靈光:好冷靜,大家都好冷靜。

I’M:有睇嘅,好八卦咁睇下發生咩事。通常都係啲阿伯,指住講「拍緊嘢喎」。

Janis H.:當日有無霞姐?

靈光:飯盒係我派嘅 XD

I’M:以為好多人拍完就會走喇,但係佢哋真係好熱血咁做哂全套,攞埋霞姐嘅飯盒。我哋嘅霞姐好努力咁派飯盒。我最記得有個女參加者好幫得手,又幫我哋 guide 住大家走位啊,例如導演嗌 briefing 嘅時候就會第一個企出嚟管理吓秩序。

靈光:Overall 當日都冇出現過咩混亂嘅情況。

Janis H.:多謝兩位,我哋去片!

I'M Janis.H 逆向誘拐 靈光