電影熱話

【 MOVIE6 熱話 】影壇上吸金力最強嘅男人 -「 The Rock 」

廣告:

影壇上吸金力最強嘅男人 -「 The Rock 」

相信只要大家有睇開動作電影,都一定會留意到呢位又有型又搞笑嘅大隻佬。不過大家又知唔知 The Rock 無論喺影壇上定係摔角界上都破哂記錄呢?想知佢有幾威水,呢個post就幫到你喇!

喺呢度先介紹下 The Rock 狄維莊遜 嘅身世先啦:The Rock 從影前係一個摔角手,另外佢喺邁阿密大學讀書嘅時侯,就已經係一個傑出嘅美式足球員。佢仲曾經帶領邁阿密颶風隊贏得1991年國家錦標賽嘅冠軍,認真威水!

其後 The Rock 以 Rocky Maivia 為名闖入摔角界。當時嘅佢並非一帆風順,剛出道嘅佢係一個非常純正嘅正派角色,而且因為佢經驗唔夠,觀眾好快就睇厭咗。直至到佢所屬嘅公司大執位,將佢嘅角色形象改變成大反派,佢個名亦由 Rocky Maivia 改為 The Rock ,先至正式開始佢喺摔角界嘅輝煌人生。

成為反派 The Rock 佢憑住同現場觀眾對罵,反而令觀眾同嘅建立良好嘅互動,觀眾亦越嚟越中意呢位選手,為 The Rock 建立相當高嘅人氣。人氣高企嘅佢係之後奪得總共17次摔角比賽冠軍,更被視為史上最偉大嘅摔角選手之一。

再之後 The Rock 走埋入影壇,喺2001年嘅《盜墓迷城2》飾演反派「蠍子王」。雖然出場時間唔多,但憑佢出色嘅演出已經令環球影業嘅製作人眼前一亮,覺得要拍一部 The Rock 主演嘅電影,而呢一部電影就係《盜墓迷城外傳:蠍子王傳奇》喇!最厲害嘅地方係咩呢?就係佢破咗當時嘅新人片酬世界記錄 — 550萬美金

The Rock 繼續佢嘅吸金之路,除咗動作片,搞笑、親情片都一樣難佢唔到!出色嘅演技,同埋高大威猛嘅形象,令 The Rock 近年喺電影界非常吃香,目前已經係荷里活賺錢最多嘅明星!!

The Rock 最近喺一次訪問透露過唔排除會參選美國總統,到底係真定係假呢?咁就要等到下屆選舉工程開始嘅時候先知道喇!

The Rock 主演嘅《 沙灘拯救隊》現已上映!

 


文:六仔

The Rock 狄維莊遜