電影熱話

【 MOVIE6 熱話 】《 真・ 天賦的禮物 》戲裡戲外一樣得 細數荷里活天才巨星

廣告:

《 真・ 天賦的禮物 》戲裡戲外一樣得 細數荷里活天才明星

有人話「上天是公平的。當你失去一樣東西,就會得到另一個東西做補償。」當我哋見到明星係大銀幕前發揮才能嘅時候,話唔定佢地另一方面係做得比一般人差。但當你見到以下咁多位天才荷里活明星嘅時候,你又唔會唔會對上天有所懷疑呢?或者,佢地就係《 真・ 天賦的禮物 》?

妮歌潔曼  IQ:132

作為實力派演員,佢嘅實力實在有目共睹。佢三歲開始學習芭蕾舞,然後去左戲劇學校讀書,再喺菲利普街劇院修習發聲訓練同戲劇歷史。十六歲嘅時候因為佢媽媽患上乳腺癌而從高中輟學,踏上從影之路。而不得不提嘅係佢擔當聯合國兒童基金會澳大利亞親善大使已經有二十幾年,仲獲得聯合國授予佢「世界公民」嘅榮譽稱號。

阿諾舒華辛力加   IQ:135

阿諾舒華辛力加四肢發達,頭腦一啲都唔簡單。佢既係演員,又係州長,佢所簽署嘅《議會法案32》令加州成為美國首個對來自於工廠、發電廠以及冶煉廠嘅溫室氣體必須強制監控嘅州。支持環保,值得一讚!

妮妲莉寶雯  IQ:140

講起佢大家一定記得佢由10歲開始已經喺《這個殺手不太冷》入面嘅演出。作為童星,必須要片場學校兩邊走,但佢不但無放棄學業之餘仲要拎到優良成績,而屋企人亦都支持佢向學業方面發展!後來入讀哈佛心理系,仲係科學雜誌發表過論文!又讀得書又拍得戲,羨慕死人啦。

史泰龍  IQ:160

除左阿諾舒華辛力加之外 ,另一位大隻佬史泰龍一樣係IQ爆燈!代表作無數嘅佢已經出名到唔洗介紹佢嘅作品!IQ160嘅佢,甚至可以同英國著名天文物理學家霍金睇齊!如果史泰龍真係做左科學家,又會唔會有咁嘅成就呢?

路雲雅堅遜 IQ:178

大家都比佢嘅外表呃左喇!英國國寶級偶像戇豆先生路雲艾堅遜IQ高達178,係牛津大學電子工程學博士,但呢啲都係虛名黎架啫。最值得人敬佩嘅係佢捐出接近身家一半嘅資產比非洲嘅難民(近1.6億英磅),係全球捐助慈善事業金額最高藝人。不論係戲裡戲外都一樣為人帶嚟歡笑,抵你咁聰明!


文:六仔

六仔 天賦的禮物