電影熱話

【 MOVIE6 熱話 】《 皇家特工:金圈子 》預告片咁快點睇?等我慢慢Cap比你!

廣告:

《 皇家特工:金圈子 》預告片咁快點睇?等我慢慢Cap比你!

等咗兩年,《 皇家特工 》續集《 皇家特工:金圈子 》終於喺今年上映喇!而官方尋日亦公佈咗預告片比大家過下癮。不過⋯呢條預告片得十五秒,而有關電影片段就以超壓縮嘅方式壓到得五秒,點睇呀? 唔洗驚,等我Cap比你慢慢過目!

物品方面:

左上幅圖入面烙係皮膚上面嘅金圓圈,應該就係今集嘅主題喇。莫非同上集嘅SIM卡陰謀一樣係關於手術嘅!?而酒樽上面出現嘅”Statesman”,其實係Kingsman 嘅美國分部。今集將會圍繞主角Eggsy、Roxy同Statesman聯手對抗大反抗。至於下面兩位新人物都未有資料,到底係敵人定係自己人呢?

配角方面:

預告片穿插新舊角色,可惜靚仔主角唔係著西裝;梅林繼續有戲份。
根據Kingsman入面嘅特工都係戴眼鏡,可以肯定全部都係自己人(會唔會叛變就難講)。

主要人物:

作為Kingsman,高科技裝備是常識吧。Roxy今集戴眼鏡靚女咗好多;而Eggsy手持喼嘅方式,莫非係喼神火箭炮?
而紅衫女人則確定係本集大反派Poppy。佢手持嘅漢堡包,莫非係同上一集嘅反派有關連?

場景方面:

至於今集場景將會比上一集更為豐富,有街頭有村莊有雪山。應該比上集打得更激!但最令我考慮就係,要上天下海,咁咪無得睇佢地著西裝囉?

文:六仔

六仔 皇家特工2