電影熱話

【 MOVIE6 熱話 】《 逆向誘拐 》 電影製作日記(四) 蘇麗珊 、 吳肇軒 專訪

廣告:

《 逆向誘拐 》 電影製作日記(四) 蘇麗珊 、 吳肇軒 專訪

– 拍攝第三日 –  20161102

I’M:喂~好耐無見喇喎,做咩咁耐無更新?!

靈光:我好忙囉~😈

I’M:……

靈光:……

I’M:《逆向誘拐》已經努力做緊後期製作,過多幾個月就會喺戲院同大家見面!

靈光:不如講吓嗰日(都唔記得係邊日)喺人哋公司拍戲有咩感受丫~

I’M:講起嗰間公司,真係幾大間!

靈光:畀啲相嚟睇過?

I’M:最有趣嘅係咁大間公司只係得6個員工!

靈光:真係㗎?真係㗎?真係㗎?

I’M:係呀~有個工作人員同我講㗎~好誇張~

靈光:拍攝嗰陣有好多嘢都要事先準備,例如電腦熒幕前顯示嘅電腦程式,都要「做假」,方便角色喺鍵盤上亂咁打字都可以得出一樣嘅效果,只要唔好撳到某幾個掣就得XD 仲有租人哋公司拍戲要好準時收工。

I’M:咁租我哋公司呢?

靈光:……

I’M:……

靈光:其實嗰日去探班,我哋嘅目標只有一個!

I’M:係兩個至真~

靈光:就係男女主角蘇麗珊~同埋吳肇軒!

I’M:講起女神蘇麗珊~你仲記唔記得佢休息嘅時候同我哋傾咗幾句?

靈光:梗係記得啦~佢嚟到就問我哋邊個係「I’M」,邊個係「靈光」~😈

I’M:係!好感動呀,原來佢真係有睇我哋篇日記㗎T_T

靈光:可惜我哋已經好耐都無更新XD

I’M:……

靈光:……

I’M:其實……我諗睇佢哋嘅訪問片段好過聽我哋發噏風。

靈光:無錯🙄諗返起嗰日個訪問真係好搞笑~

 

I’M:佢哋兩個一唱一和咁,氣氛超好XD

靈光:仲講👿😈大家快啲睇吓訪問片段啦👇🏻


按此重溫《 逆向誘拐 》電影製作日記(三)

按此重溫《 逆向誘拐 》電影製作日記(二)

按此重溫《 逆向誘拐 》電影製作日記(一)

 

文:靈光

https://www.facebook.com/huxtin/

靈光一閃,正在尋找《光影星碎》後的《生死幻願》。

文:I’M

每套電影總會有一句對白打進自己心裡。

 

I'M 吳肇軒 蘇麗珊 逆向誘拐 靈光