電影熱話

【 MOVIE6 熱話 】《 不死劫 》、《 思.裂 》導演決定開拍續集!

廣告:

《 不死劫 》、《 思.裂 》導演決定開拍續集!

睇完《思.裂 》嘅你,係咪對結果感到一頭霧水呢?其實片尾出現嘅 布斯韋利士 ,同埋佢地所講嘅「玻璃先生」,其實都係導演 禮切沙也馬蘭 作品《 不死劫 》嘅角色,換句話講,兩者其實存在於同一時空!

禮切沙也馬蘭 (圖:Digital Spy)

對唔熟識《不死劫》嘅你,呢到有個懶人包講返劇情比你知:係《不死劫》入面, 森姆積遜 飾演的「玻璃先生」,自小體弱多病,佢深信世界如果有佢呢個咁脆弱嘅人,就一定有一個同佢相反;一個打不死嘅超人。所以佢就打算做一連串嘅事故去搵呢一個超人,而 布斯韋利士 飾演嘅大衛就係佢想搵嘅人喇。

占士麥艾禾 、 布斯韋利士

而點解《思.裂》會同《不死劫》有所關連呢?其實係因為《思.裂》主角本身就係電影《不死劫》嘅角色。導演係十五年前已經一早設定好《思.裂》主角不同嘅人格,所以你可以當《思.裂》係一套獨立作品,亦可以話係《不死劫》既續集。

至於下一集電影入面,會唔會將《思.裂》同《不死劫》嘅故事線連埋一齊?又或者好似 Marvel 英雄電影宇宙咁樣,純屬一個彩蛋? 咁就要大家留意下一集電影喇!不過唔洗等到頸都長,因為續集嘅劇本已經開始動筆喇!

 

文:六仔

不死劫 六仔 思.裂 禮切沙也馬蘭