電影熱話

【 MOVIE6 熱話 】 志明春嬌有活動 街頭訪問之你還記得嗎 2017

廣告:

《 春嬌救志明 》 ❤️


志明春嬌有活動 街頭訪問之你還記得嗎 2017

睇過《志明與春嬌》系列嘅你,仲記唔唔記戲入面嘅經典場面同對白呢?

今次我哋係街頭做咗個訪問,問下大家點睇春嬌志明同新年有啲咩同大家講~

想問佢地答左乜?去片!

 

 

除左訪問,呢度仲有運程~

志明春嬌有嘢講 十二生肖 運程 2017

新嘅一年,春嬌、志明同大家拜個早年! 每年呢個時候,都有好多人睇民峰、玲玲等等學吓點催吉避凶~有無諗過余春嬌同張志明都識少少生肖運程?今次不如就由佢兩個為大家送上十二生肖運程!就由鼠年講起啦~

【屬鼠】嘅你:

桃花運暢旺但係容易同人爭執

運程:今年有女貴人星相助。如果你上司係女人或者工作環境身邊都係女人嘅話,咁就發達喇!身體方面完全唔洗擔心,會無乜壓力,請放心搏殺!不過今年你好容易會惹事非,要小心你把口。點做先好?簡簡單單,朝早買定早餐比你呀頭啦。

【屬牛】嘅你:

應發揮創意,為工作帶嚟突破

運程:今年你好適合進修或投資。如果你係從事廣告創作,設計等講靈感既行業今年會有突破。健康方面無乜大礙,最多都係啲小毛病。不過財運同感情方面都麻麻,建議你都係留返筆錢用黎進修下啦。

【屬虎】嘅你:

事業扶搖直上,但要小心身體

運程:今年係你嘅搏殺年,事業稱心如意,升職有望!不過感情易起變化,拍緊拖嘅要好好維繫。不過健康方面就麻麻喇,比較易傷風感冒或關節勞損。所以記著做嘢還做嘢,都要小心身體~

【屬兔】嘅你:

感情易起變化,不妨多啲溝通

運程:今年係運勢變化比較大嘅一年,不過又未必全部係壞事。係事業方面,你容易得罪權貴,招來麻煩阻滯,有時更加會因為無心之失令到成間公司都好麻煩。 所以今年你應該盡量保持行事低調,以免得罪高層。不過最需要注意係你嘅感情運。你今年好容易同你既另一半因一啲小事嘈交,所以不妨用多少少時間溝通下, 以免分手收場。

【屬龍】嘅你:

人緣運強勁,有較多合作機會。

運程:今年你整體嘅運程都非常好,凡事水到渠成。如果想創一番事業嘅話,今年係你既好機會!就算係打工既你,都會有貴人相助,想增取機會上位嘅你不妨積極報考升職試或爭取上游空缺。至於健康運方面都相當唔錯。不過要小心腸胃方面,好易出現腸胃炎,消化不良等小毛病。所以今年最好節制下飲食,食得清淡啲喇!

【屬蛇】嘅你:

運程整體向好,無往不利

 

運程:恭喜你,今年係你嘅行運年!無論係事業、感情、健康都比之前有進步,發展亦比較穩定。由於今年人緣運暢旺,從事銷售嘅你肯定生意額大增。但由於應酬較多,多左飲飲食食嘅機會,所以要多啲做運動,唔係就會變肥喇~

 

【屬馬】嘅你:

運程:恭喜你,你嘅財運係咁多生宵之中最佳!再加埋人緣好,做任何野自然順風順水!

至於感情方面有雙重桃花,真假桃花都有。所以多啲留意身邊人,可能就係你既另一半~

不過呢一年好易有小毛病,要注意作息時間同埋食少啲煎炸野喇~

【屬羊】嘅你:

 

運程:今年你要多啲靠自己喇~屬羊嘅你係雞年並無任何吉星進駐,比較易遇上較多困難阻滯,整體欠缺貴人幫助。好彩嘅係你今年不屬破財嘅年份,只要有好嘅理財概念,就可以平穩渡過~

 

【屬猴】嘅你:

 

 

運程:今年你既運程較為反覆,但如果身邊有喜事沖喜,就可以慢慢步入穩定。係事業方面,會比較遇到比較棘手既工作而感到壓力,不妨係假期出外輕鬆一下。係感情方面,由於公事繁忙,令你見少左另一半,所以要作出平衡,以免冷落對方。

 

【屬雞】嘅你:

 

運程:今年犯太歲嘅你,事事都唔算如意,而且好易受悲觀情緒影響。所以凡事唔好太衝動,要三思而行,同埋要以樂觀積極態度面對變化。好彩嘅喺有兩粒吉星照著,權力同財力都有所提升,只要謹慎行事,今年都可順利渡過~

【屬狗】嘅你:

運程:屬狗嘅你,今年人際關係及健康運會有所倒退,不過財運方面唔錯。同屬鼠既朋友相反,你會有男貴人相助。如果你係從事男士服裝、電玩、電子產品、汽車及音響行業嘅話,生意額會大增。此外,如果你嘅上司係男上司嘅話,升職嘅機會都會大增!

最後就到【屬豬】嘅你:

 

 

運程:屬豬嘅朋友,今年係貴人舒服懶人年。雖然運程整體向好,但由於個人比較懶;做乜都提唔起勁,所以唔算升幅太大。事業方面,職場上可以話係無往而不利;而想轉工嘅朋友,亦有望搵到岩心水的工作。不過健度方面就要小心,就算有好野食都唔好食咁多,如果唔係一嚟會個肚唔舒服;二嚟會變肥呀!

 

提提大家,《 春嬌救志明 》今年4月會同大家見面!

 

文:六仔

六仔 十二生肖 春嬌救志明