生前約死後

高先發行於2019年12月低調上映，易為人所忽略的電影《生前約死後/Till We Meet Again》，馬浚偉將自己自編、自導、自演的的及親自監製的舞台劇《生前約死後》搬上大銀幕，看過後方才知道，原來是他將自己與母親的親身經歷拍成電影。自六歲起就已經陪伴著母親抗癌，經歷二十載，於1999年其母去世，他因而患上了抑鬱驚恐症，成為了情緒病患者，我們作為一般普通人確實很難明白到患者的苦處，就算看過電影後，亦未必有感同身受的感覺，對於此類病患者，更不知從何入手，幫不上忙之餘，還是不說為妙…以免好心做壞事，反而變成落井下石，對電影亦不作無謂批判，始終對病患者應説話謹慎，好多時因為隨口講嘅説話造成無心之失或惡意攻擊，反而會令患者踏入深淵，有時連一些正面的鼓勵說話都可能要避免，因為同樣或許會令患者感覺難受，這類型電影題材其實是很難駕馭的，我們並不是同路人，很難了解他們的內心傷痛，電影探討親情，母親因為受到兒子的勸勉接受手術，引致手術後出現併發症身亡，兒子一直內疚於心愧對亡母，將所有責任全都鞏在自己身上，就因這份罪咎感歸咎於自己身上，令自己多年來被抑鬱驚恐所纏繞著，最後終憑一場「幻愛」幻想岀來岀來的約會，方才令他多年埋藏於內心深處的心結解開，若觀眾能同樣融入導演喪親的感悟，定必知道由頭到尾的「媽媽」都只是故事主人翁家偉的想像，同時因為他的病情，亦想像出一個朋友來，有助於他自己釋放自己的內心抑壓，幸好最後終能走出抑鬱的陰霾，電影有勉勵大眾的感染力，前段兒子從自怨自艾放棄人生，用了太多篇幅嚟描寫，至少許失衡讓人感覺沉重，弄至電影在傳遞信息方面，看來有點兒說教成分，略嫌少許做作，不過誠意可嘉，亦值得去支持下嘅！#tigermoviesnews #tigermoviesfever #https://opentalk.hk01.com/@tigermoviesfever/all

我無睇過舞台劇版本 所以無比較<生>片導演自身經歷以演戲呈現觀眾眼前舞台劇式電影 章節展現配以誇張的燈光音效 呈現內心世界 對我來說是頗新鮮的體驗~ 也不是容易演的(不過應該唔係個個睇得明👀始終這不是看圖說故事嘅戲)嗯~ 大概我會列為一輯客路幾窄的親情小品演技反而我覺得不用置疑 演得歇斯底里 效果到位 牽動情感📈扣分位是插曲: 破壞了整體情緒氣氛😩構圖也相對地不討好:16:9兩主體分別置頭置尾觀眾要坐很後~ 才可從左至右看完如果馬先生是當作功課留影 這份功課合格有餘

1.集投資、監製、原創故事、編劇、導演兼主演於一身嘅馬浚偉炮製出首套電影作品，故事改編自佢親身經歷，早前更製作咗同名舞台劇添。.毋庸置疑觀眾係會感受到佢製作呢套電影嘅初心同誠意，問題係當電影充滿各類型技術失誤時，誠意能否掩蓋一切錯漏呢？所以我在此先向各位呼籲，如果大家覺得套戲係非常真摯感人，就唔好繼續睇呢篇文，因為以下內容將會嚴重怒插『生前約死後』。-2.用余香凝飾演幫馬浚偉睇咗好多年嘅精神科醫生簡直莫名其妙，咁樣推論落去余香凝應該係十歲開始讀大學先至能夠做得到咁嘅效果。.神奇嘅地方同樣出現喺其他劇情，戲中余香凝爸爸憶述當年離家出走返大陸搵錢，指出個女當時三歲但自己已經識得買玩具扮醫生⋯⋯唔怪得知咁後生做到醫生啦，原來係神童，咁細個就識得落街買嘢。.嗰頭馬浚偉話喺醫院，忽然鏡頭一轉就到咗偏遠山頭嘅『無雙』水務署廠房，連瞬間移動都玩埋，馬浚偉好嘢！.可能佢都心知套戲係賣感性，索性放棄所有理性情節，所以大家唔好理劇情合理性啦，盡情喊啦。-3.容許我特別稱讚電影配樂拍得住商場廁所音樂質素 - 感覺係夾畫面，但聽落你覺得會同演員講對白時完全唔夾，越聽越突兀。每次flashback忽然整幾下大聲超級肉酸，其實可能用罐頭音樂仲好過佢。.電影插曲當然繼續由偉大嘅馬浚偉主唱，一張戲飛能夠體驗馬浚偉咁多重嘅享受，真係超值。仲要聽到佢喺度撚聲落足感情唱「明星」，聽聽下忽然出咗戲添。-4.剪接同鏡頭有電視台粗製濫造嘅劇集質感，尤其係啲對話嘅shot簡直係處境劇AB機拍攝手法，加上舞台劇式嘅企位同燈光設計，造就出呢套萬分感人嘅史詩式驚世巨著！.普遍好似我咁膚淺嘅觀眾係唔識得欣賞馬導演嘅分鏡，影大頭強迫鏡頭留有大量空白地方、幾幕演員對話時企位攞得好盡，唔知以為係幫戲院銀幕尺寸做測試添。.用舞台劇式效果營造男主角精神狀態原則上係啱嘅，但問題配上馬導演強大嘅演技，好似睇緊Tommy Wiseau崩潰咁，令人啼笑皆非。馬導演為觀眾帶來荷里活式演技，真係香港人嘅福份。-5.最能夠媲美『The Room』嘅場面必定係馬浚偉同黃定謙爭執嗰段，雖然觀眾知道旁邊係有木板，但無啦啦突然之間變咗喺馬浚偉手上面，跟住揮手打同黃定謙受傷倒地都假到出汁。.其實馬生有咁嘅念頭應該交由專業編劇同導演幫助佢執行，依家搞到咁真係好尷尬。拎周冠威導演新作『幻愛』做例子，同樣涉及精神病患者病發嘅場面，到嚟嘅效果就高下立見啦。-6.認真返少少，馬生處理喊位嘅演技都算OK，佢同顧美華之間幾幕真情對話掀起全場粉絲爆喊，不過單純一兩幕完全無助我入戲。我唔排除部份朋友睇到都會喊嘅，但個人認為戲中只屬廉價催淚位，我自問感情豐富但我真係喊唔出，連感動都冇。-7.當一個人獨攬大權，仲要係自己拎埋錢出嚟拍戲絕對係大忌。因為隨時可能係自high打飛機之作，一切所有決定都出自於佢。.無可厚非馬浚偉希望透過製作呢個作品嚟自我救贖，但正如我先前所講，真係要搵專業嘅導演編劇協助佢執行呢個概念出嚟。.過往已經有『逆向誘拐』或者香港影壇兩大奇葩 - 思捷大師嘅『一家大晒』同林熹瞳嘅巨作等等帶來災難級效果。馬生嘅『生前約死後』質素更超越呢啲作品，為香港製造出一套媲美國際級爛片嘅電影，唔知係可喜定可悲。-

問心講，第一次執導講故事，已經算係咁架啦。重係講埋導演自己的事，達標了。都係因成本問題，好多野都盡慳，值得支持入場。

「心中的洞 是無法填補」其實每個人總會遇上自己心中的洞，那份掛念的洞，令人涙在心裏流。電影故事比舞台劇豐富，近尾嗰幾段音效做得好好，好有壓迫感好正，再加顧美華喺電影表現得更好，港產劇情片嚟講呢套真係有驚喜。